Zatrymali junakoŭ, jakija ŭšanoŭvali pamiać paŭstancaŭ 1863 hoda ŭ Śvisłačy
dadaŭsia fotarepartaž
Na ŭračystaści pryjechała Alena Kavalenka ź Viciebska.
Michaś Paškievič ("Havary praŭdu!"), Alaksiej Janukievič i Andrej Sarotnik (Partyja BNF).
Vystupaje Siarhiej Kavalenka.
U Śvisłačy (Hrodzienskaja vobłaść) siońnia byli zatrymanyja čatyry ŭdzielniki tradycyjnaj akcyi ŭšanavańnia pamiaci bratoŭ Viktara i Kastusia Kalinoŭskich.
Pieršyja dva zatrymańni adbylisia kala pomnika Ramualdu Traŭhutu — hieroju 1863 h.
Zatym udzielniki akcyi skiravalisia ŭ viosku Jakušoŭka (majontak Kalinoŭskich), dzie adbyłasia imša ŭ honar bratoŭ Kalinoŭskich. Na zvarotnym šlachu ŭdzielnikam, a ich sabrałasia bolš za 30 čałaviek, darohu pieraharadzili mašyny supracoŭnikaŭ DAI i milicyi.
Byli zatrymanyja student Aleś Krot, Stanisłava Husakova ź Viciebska, siabar Ruchu za Svabodu i Partyi BNF Vitaŭt Ašurak i jašče adna asoba. Jany znachodziacca ŭ miascovym RAUS.Pra heta paviedamiŭ NN vidavočca.
Milicyja zaznačaje, što jany mohuć być źvinavačanyja ŭ arhanizacyi niesankcyjanavaj akcyi.
Traich zatrymanych, u tym liku Alesia Krata, pakinuli ŭ pastarunku da suda, jaki projdzie ŭ paniadziełak.
Na ich składzienyja pratakoły ab admin. pravaparušeńni 23.34 — udzieł u niesankcyjanavanym masavym mierapryjemstvie.