Dyrektar muzieja dziaržaŭnaści syšoŭ praz 2 miesiacy paśla adkryćcia
Siarhiej Biaspanski kaža, što jaho zadača była — stvaryć muziej.
Dyrektar muzieja sučasnaj biełaruskaj dziaržaŭnaści ŭžo miesiac, jak nie pracuje.
«Prasili zrabić ekspazicyju — praca zroblenaja. Hetaja maja praca — stvarać muziei dla krainy», — tłumačyć pryčyny sychodu sam Siarhiej Biaspanski. I kaža, što pakul nie pracuje i razhladaje varynty novaj pracy, novaha prajektu.
«Šukajem inšyja varyjanty, dzie možna prykłaści svaje starańni i ŭmieńni. Dumaju zajmacca Pieršaj suśvietnaj vajnoj. Jana ŭ Biełarusi zusim nie raskručanaja, a heta vializarny patencyjał pamiaci, vializarny turystyčny patencyjał, da i ŭvohule biełaja plama dla Biełarusi. Chaciełasia b stvaryć u Biełarusi niešta padobnaje na narodny sajuz Hiermanii. U nas vielmi šmat mohiłak nie dahledžanych, raskidanaja ŭsia naša historyja. Napeŭna da hetaha prykładziemsia».