U Aršanskim rajonie 82-hadovy ravaryst prataraniŭ MAZ i zahinuŭ

Jak paviedamili va ŭpraŭleńni DAI, na 159-m km aŭtadarohi Viciebsk — Homiel — miaža Ukrainy ŭ vioscy Andrejeŭščyna Aršanskaha rajona ŭ 12.25 82-hadovy viełasipiedyst, žychar Oršy, pry vyjeździe z druharadnaj darohi sutyknuŭsia z aŭtamabilem «MAZ» (udaryŭsia ŭ siaredzinu bakavoj častki aŭtamabila), jaki ruchaŭsia pa hałoŭnaj.

U vyniku ravaryst ź cialesnymi paškodžańniami byŭ špitalizavany ŭ aršanskuju balnicu, dzie praz paŭtary hadziny pamior.

Za dzieviać miesiacaŭ na darohach krainy pa vinie ravarystaŭ učyniena 113 DTZ, u jakich 22 čałavieki zahinuli i 93 atrymali traŭmy. Najbolšaja kolkaść takich DTZ adbyłasia ŭ Homielskaj vobłaści.

Kamientary da artykuła