Hihancki sad na radzimie prezydenta
Na płoščy ŭ 163 ha źbirajucca pasadzić bolš za 270 tys. fruktovych drevaŭ.
Na palach pamiž vioskami Aleksandryja i Miežniki Škłoŭskaha rajonu zakładajecca jabłynievy sad.
Zaznačym, što maštab, pa tradycyi, hrandyjozny. Na płoščy ŭ 163 ha źbirajucca pasadzić bolš za 270 tys. fruktovych drevaŭ. Zvyš za 50 tys. polskich sažancaŭ užo rastuć, a zaviaršyć zakładku sadu planujecca tolki ŭ nastupnym hodzie.
Čakajecca, što bolšaść drevaŭ daść pieršy ŭradžaj užo ŭ bližejšuju vosień, a maksymalnuju pładanosnaść možna atrymać praź 5‑6 hadoŭ. I tady Škłoŭščyna, mažliva, stanie samym ekanamična raźvitym rajonam vobłaści sa svajoj novaj papiarovaj fabrykaj dyj šykoŭnym basejnam u vioscy na 400 čałaviek.