U KNDR pačynajucca ekanamičnyja reformy ŭ kałhasach
U Paŭnočnaj Karei pačałosia ŭkaranieńnie ekanamičnych reformaŭ, jakija dazvolać fiermieram zachavać bolšuju častku svajho ŭradžaju i daduć šturšok svabodnamu handlu.
Hety krok nakiravany na pavieličeńnie vytvorčaści ŭ ekanomicy krainy, jakaja pakutuje ad chraničnaha niedachopu charčavańnia.
Jak paviedamlaje Asašyejted Pres, fiermieram paabiacali, što ich abaviažuć pieradavać dziaržavie značna mienšuju kolkaść sabranaha ŭradžaju, čym raniej.
Aficyjnaha paviedamleńnia pra novaŭviadzieńni pakul zroblena nie było, ale analityki bačać u tym, što adbyvajecca, prykmietu patencyjnaj źmieny kiravańnia krainaj pad kiraŭnictvam Kim Čen Yna.