BFF: «Majki pa-rasiejsku, bo futbalisty zbornaj karystajucca słužbovymi pašpartami»
U kłubach futbalisty vyjazdžajuć za miažu pa nacyjanalnych pašpartach.
Čytač Mikoła Žukoŭski źviarnuŭ uvahu, što na majkach zbornaj Biełarusi pa futbole proźviščy hulcoŭ tranślitaravanyja z rasiejskaj, a ŭ kłubach — ź biełaruskaj.
Tak i atrymlivajecca, što za nacyjanalnuju kamandu hulaje Bordachov, a ŭ BATE — Bardachou.I takich vypadkaŭ davoli šmat. Rastłumačyć situacyju my paprasili
«U hulcoŭ zbornaj jość słužbovyja pašparty. Jany imi karystajucca pry vyjezdach za miažoj. Tam imiony napisanyjapa-rasiejsku . Ź ich biarecca ŭsia aficyjnaja dakumientacyja. Pierad kožnym matčam u hulcoŭ praviarajuć pašparty, kab pierakanacca, što heta mienavita toj čałaviek. I kali ŭ pašparcie budzie napisana Ivanov, a na majcy Ivanou, to futbalista mohuć prosta nie dapuścić da hulni».
«NN»: Čamu tady ŭ BATE ci «Frajburzie» na majkach tranśliteracyja ź biełaruskaj?
AT: Bo ŭ kłubach futbalisty karystajucca nie słužbovymi pašpartami, a biełaruskimi. Na majkach ža ŭ kłubach u ich napisana, jak u nacyjanalnym pašparcie.
U žniŭni žurnalistam pakazali słužbovy pašpart Łukašenki, tam tranśliteracyja zroblenaja taksama z rasiejskaj.
Słužbovy pašpart hramadzianina Respubliki Biełaruś - dakumient, jaki paćviardžaje hramadzianstva i słužbovy status hramadzian, prava jaho ŭładalnika na vyjezd z Respubliki Biełaruś i ŭjezd u Respubliku Biełaruś i jaki śviedčyć pra asobu ŭładalnika ŭ metach vyjezdu z Respubliki Biełaruś i ŭjezdu ŭ Respubliku Biełaruś, a taksama znachodžańnia za miežami Respubliki Biełaruś.
Słužbovyja pašparty vydajucca:
sudździam Kanstytucyjnaha Suda, Viarchoŭnaha Suda, Vyšejšaha Haspadarčaha Suda;
słužbovym asobam (za vyklučeńniem słužbovych asobaŭ, jakim vydajucca dypłamatyčnyja pašparty) Administracyi prezidenta, Savieta Biaśpieki, Kiraŭnictva spravami prezidenta, Kamiteta dziaržaŭnaha kantrolu, sakrataryjataŭ savieta respubliki i pałaty pradstaŭnikoŭ, aparatu savieta ministraŭ, sakrataryjata Kanstytucyjnaha Suda, hienieralnaj prakuratury, Nacyjanalnaha banka, Słužby biaśpieki prezidenta, Apieratyŭna-analityčnaha centra pry prezidencie, Nacyjanalnaha statystyčnaha kamiteta, Śledčaha kamiteta, ministerstvaŭ , dziaržaŭnych kamitetaŭ, nacyjanalnaj dziaržaŭnaj teleradyjokampanii;
inšym asobam pa ŭzhadnieńni z prezidentam Respubliki Biełaruś.