Kudy padziełasia Iryna Abielskaja?
abnoŭlena
Baraćba na viersie abo taktyčny chod? Kiraŭnik dziaržavy pryniaŭ šerah kadravych rašeńniaŭ.
Baraćba na viersie abo taktyčny chod? Kiraŭnik dziaržavy pryniaŭ šerah kadravych rašeńniaŭ.
Jon daŭ zhodu na pryznačeńnie Arkadzia Łaryjonava hałoŭnym doktaram Dziaržustanovy «Respublikanskaja bolnica» Kiraŭnictva spravaŭ prezydenta. Raniej A.Łaryjonaŭ kiravaŭ bolnicaj chutkaj dapamohi. Ale ž kiraŭnikom prezydenckaj bolnicy, hetak zvanaj lečkamisii, dahetul była Iryna Abielskaja.
Jak padaje BIEŁTA, «A.Łukašenka vykazaŭ žorstkuju krytyku na adras Respublikanskaj bolnicy». Za što jon krytykavaŭ, nie paviedamlajecca. Jak i nie havorycca, kali straciła svaju pasadu byłaja kiraŭnica i dzie jana pracuje ciapier.
Naziralniki pakul nia majuć dosyć infarmacyi, kab zrabić vysnovy. Heta moža aznačać jak baraćbu na viersie niefarmalnaj vertykali, tak i prosta taktyčny chod.
Za inšaj ža aŭtorkavaj adstaŭkaj prahladajecca jasnaja tendencyja.
Taksama ŭ aŭtorak byŭ vyzvaleny ad pasady kiraŭnika pamiežnych vojskaŭ hienerał‑lejtenant Alaksandar Paŭłoŭski (1950 h.n.). Jon zaličany ŭ rasparadžeńnie hetaha viedamstva «dla nastupnaha zvalnieńnia z vajskovaj słužby». Jon byŭ adnym z apošnich uradžencaŭ Rasiei na pasadzie kiraŭnika siłavoha viedamstva. Raniej Jeryna zamianiŭ Sucharenka, miesca Łatypava zajmaje Niavyhłas.
Zamiena kiraŭnikoŭ siłavych viedamstvaŭ, jakija naradzilisia ŭ Rasiei abo majuć ciesnyja suviazi z Maskvoj, na ŭradžencaŭ Biełarusi, atrymała nazoŭ «linii Šejmana» ŭ kadravaj palitycy.
Paŭłoŭskaha zamianiŭ kiraŭnik specsłužby pahranviedamstva, hadavaniec KDB pałkoŭnik Ihar Račkoŭski.