U Breście zahinuŭ vajennasłužačy sił śpiecyjalnych apieracyj
Aficyjnaja pryčyna — nieaściarožnaje abychodžańnie sa zbrojaj.
Padčas praviadzieńnia płanavych zaniatkaŭ pa bajavoj padrychtoŭcy ŭ vyniku nieaściarožnaha abychodžańnia sa zbrojaj atrymaŭ ranieńnie, niesumiaščalnaje z žyćciom, vajennasłužačy terminovaj vajennaj słužby sił śpiecyjalnych apieracyj. Ab hetym paviedamiła pres-słužba Ministerstva abarony.
Jak stała viadoma BiełaPAN, vajennasłužačy — uradženiec vioski Ubarok Łojeŭskaha rajona Homielskaj vobłaści. Ciapier jaho baćki čakajuć dastaŭki cieła syna na radzimu dla pachavańnia.
Pryčyny zdareńnia vyśviatlaje kamisija Minabarony i Biełaruskaj vajennaj prakuratury.
U vajennym viedamstvie vykazali spačuvańni rodnym i blizkim vajennasłužačaha i zajavili, što akažuć im nieabchodnuju dapamohu ŭ adpaviednaści z zakonam.