Zamiest vystupu miascovych kandydataŭ žycharam Baranavičaŭ pakazali vystupy hrodzienskich

Bresckaja teleradyjokampanija tłumačyć heta techničnymi pryčynami.

Značnaja častka žycharoŭ Baranavič nie zmahła ŭbačyć 29 žniŭnia pieradvybarnyja vystupy svaich kandydataŭ, paviedamlaje Intex-press. Jak minimum adzin ź piaci kabielnych apierataraŭ horada ŭ hety čas tranślavaŭ viaščańnie nie bresckaj, a hrodzienskaj studyi telebačańnia, i, adpaviedna, pieradvybarčyja prahramy kandydataŭ susiedniaha rehijonu.

Razabracca ŭ techničnych niuansach, čamu takoje adbyłosia, niaprosta. Ale sutnaść, jak rastłumačyli słužbie techničnaha zabieśpiačeńnia viaščańnia TRK «Brest», zvodzicca da nastupnaha: častka kabielnych apierataraŭ horada apynulisia nastrojenymi na Słonimskuju vyšku, sihnał jakoj bolš jakasny za miascovuju.

«Hruba kažučy, jość paniaćcie zony raspaŭsiudžvańnia sihnałaŭ vyški, i jość hieahrafija rasstanoŭki vyšak, jakaja nie zaŭsiody supadaje ź miežami rajonaŭ. Tamu čaściakom rajony, jakija miažujuć z Hrodzienskaj vobłaściu, prymajuć sihnał sa Słonimskaj vyški», — dadali ŭ techničnaj słužbie Bresckaj teleradyjokampanii.

Kamientary da artykuła