Šakaladnyja jajki z damieškam kryvi
Vyklikali buru krytyki ŭ Brytanii.
Vyklikali buru krytyki ŭ Brytanii.
Napiaredadni Vialikadnia brytancy vytracili 220 miljonaŭ funtaŭ na zakup 80 miljonaŭ šakaladnych jajek, što adpaviadaje vaśmiom pracentam hadavoha spažyvańnia šakalady.
Adnak sioleta šakaladnyja jajki sutyknulisia z mocnaj krytykaj. Hałoŭnaj jaje temaj staŭ nia kłopat pra zdaroŭje dziaciej, što spažyvajuć siońnia zašmat sałodkaha, a hory lišnych upakovak, jakija nie paddajucca pierapracoŭcy, i vykarystańnie rabskaje dziciačaje parcy na plantacyjach kakavy.
«Mižnarodnaja amnistyja» skarystałasia sa śviata Ŭvaskrasieńnia Chrystovaha, kab nahadać, što ŭ mnohich krainaŭ‑eksparciorkach bobu kakavy vykarystoŭvajecca rabskaja praca dziaciej.
«Amnistyja» raspačała kampaniju «Stop the Traffik», abapirajučysia na źviestki Mižnarodnaj arhanizacyi pracy. Ź ich vynikaje, što 12 tysiačaŭ dzietak z Mali j Burkina Faso baćki pradali na nlantacyi kakavy ŭ Kot‑dJIvuar. Tam jany pracujuć za karmiožku, biez apłaty, niby na dvare nia XXI, a XIX stahodździe.
Tym časam ekolahi bjuć u zvon pra hory adkidaz, jakija zastajucca paśla sałodkich jajek.
Ułady hrafstva Oksfardšyr uzvažyli, što ŭ jajek mnohich vytvorcaŭ vaha ŭpakoŭki daraŭnoŭvajecca vazie samoha jaječka.
Vytvorcy abaraniajucca: pradukt krochki, i kali jaho nie ŭpakoŭvać dobrańka, dyk budzie kryšycca.
Šatlandzki adździeł ekalahičnaj arhanizacyi «Friends of the Earth» aceńvaje, što vielikdnaja sałodkaja haračka kaštuje ziamli 4,5 tysiač tonaŭ kardonu i 160 tonaŭ folhi.
A za ŭsim hetym — vialiki biznes śviatočnych jajek, pryčym spažyŭcy honiacca za ŭsio lepšaj a lepšaj jakaściu...