Minadukacyi razhledzić metazhodnaść skaračeńnia letnich kanikułaŭ školnikaŭ

Pra heta paviedamiŭ namieśnik ministra adukacyi Vasil Budkievič 28 žniŭnia na pres-kanfierencyi ŭ Minsku.

Pavodle jaho słoŭ, mahčyma, budzie vyrašana vykarystać dla vučobu «tydzień-druhi» červienia, kab razhruzić astatni navučalny hod. Adpaviednuju prapanovu płanujecca abmierkavać z pradstaŭnikami Ministerstva achovy zdaroŭja, a taksama šyrokaj hramadskaści.

«Tyja ž letnija kanikuły — trochmiesiačnyja kanikuły — stali prablemnymi nie tolki dla škoły, jany najpierš stali prablemnymi dla baćkoŭ», — skazaŭ Budkievič. Pavodle jaho słoŭ, u časy SSSR baćkam było praściej arhanizavać adpačynak dziciaci.

Na dumku namieśnika ministra, skaračeńnie letnich kanikułaŭ nie pavinna vyklikać niehatyŭnaj reakcyi ŭ piedahohaŭ, bo ŭ pačatku červienia, jany, jak praviła, pracujuć, pravodziačy zaniatki ŭ pryškolnych abo zaharadnych łahierach.

Jak padkreśliŭ Budkievič, u 2012/2013 navučalnym hodzie nijakich źmianieńniaŭ u praciahłaści letnich kanikułaŭ nie budzie.

Kamientary da artykuła