Michajłaŭ znoŭ viaščaje?
Hazeta «Homielskije viedomosti» nadrukavała interviju z byłym udzielnikam prahramy imia Kalinoŭskaha Viačasłavam P., pavodle Radyjo Racyja, u horadzie viadoma, što heta Ŭładzisłaŭ Michajłaŭ.
Hazeta «Homielskije viedomosti» nadrukavała interviju z byłym udzielnikam prahramy imia Kalinoŭskaha Viačasłavam P., pavodle Radyjo Racyja, u horadzie viadoma, što heta Ŭładzisłaŭ Michajłaŭ.
Nahadajem, što chłopiec byŭ homielskim studentam i braŭ udzieł u miascovym demakratyčnym ruchu. Letaś jon trapiŭ u Varšavu na prahramu imia Kalinoŭskaha, a ŭ pačatku hetaha hodu Michajłaŭ pryznaŭsia polskim medyjam, što tajna supracoŭničaŭ z KDB jašče ź listapada 2005 hodu.
Dva tydni tamu chłopiec niečakana źjaviŭsia ŭžo na ekranach biełaruskaha telebačańnia. Hetym razam jon raspavioŭ pra harotny los studentaŭ‑kalinoŭcaŭ. Prykładam, jak im davodzicca adpracoŭvać svaju stypendyju ŭdziełam u apazycyjnych akcyjach la biełaruskaj ambasady ŭ Polščy. U «Panaramie» jon nazyvaŭ proźviščy najbolš škodnych, tak by mović, palakaŭ dy biełarusaŭ, jakija majuć dačynieńnie da prahramy imia Kalinoŭskaha.
Padobna vyhladaje i źmiest publikacyi ŭ «Homielskich viedamaściach».
Zhadany numar aficyjnaj homielskaj hazety vyjšaŭ z druku ŭ Vialiki čaćvier. Mienavita ŭ hety dzień Juda pradaŭ Chrysta, — adznačaje Radyjo Racyja