Kamputar niebiaśpiečny dla zdaroŭja
U Viciebsku ad vybuchu kamputarnaha manitora paciarpieŭ małady čałaviek.
U Viciebsku ad vybuchu kamputarnaha manitora paciarpieŭ małady čałaviek.
U Viciebsku ŭ vyniku vybuchu kampjutarnaha manitora paciarpieŭ małady čałaviek. Jak raskazaŭ staršy śledčy Viciebskaha RAUS Ihar Sočnieŭ, 22-hadovy ramontnik elektraabstalavańnia pryvatnaj firmy pracavaŭ u padsobnym pamiaškanni, dzie zachoŭvałasia techničnaja dakumientacyja i kampjutarnaja technika, jakaja nie vykarystoŭvałasia.
U vyniku padklučeńnia adnaho z manitoraŭ adbyŭsia vybuch. Rabočy atrymaŭ šmatlikija kołata-rezanyja rany tvaru, tułava, vierchnich i nižnich kaniečnaściaŭ. Niahledziačy na toje, što ŭračy ŭžo nie apasajucca za jaho žyćcio, im ciažka skazać, ci adnoviacca ŭ maładoha čałavieka zrok i słych.
Pakul niama mahčymasci ŭstanavić firmu-vytvorcu manitora, ad jaho zastałasia tolki pramianiovaja trubka. Śledčyja nie vyklučajuć, što vybuch moh być spravakavany jakim-niebudź pabočnym rečyvam, adnak najbolš vierahodnaj pryčynaj zdareńnia ličać niaspraŭnaść techniki. Detali manitora adpraŭleny na ekśpiertyzu ŭ Minsk.