VNU pakul nie hatovyja abnarodavać novyja ceny na navučańnie

Jak paviedamiła načalnik pres-słužby BDU Volha Ščadryna, rekamiendacyi Ministerstva adukacyi adnosna koštu navučańnia ŭniviersitet užo atrymaŭ i ciapier viadzie jaho raźlik dla kožnaj kankretnaj śpiecyjalnaści.

Ceny na navučańnie ŭ 2012/2013 navučalnym hodzie płanujecca abjavić 30–31 lipienia.

U adździele płatnych adukacyjnych pasłuh buchhałteryi Biełaruskaha nacyjanalnaha techničnaha ŭniviersiteta taksama paviedamili, što novych cen na navučańnie «pakul niama».

Na sajcie Biełaruskaha dziaržaŭnaha ŭniviersiteta infarmatyki i radyjoelektroniki raźmieščana abjava: «Novyja ceny na płatnaje navučańnie z 1 vieraśnia 2012 hoda pa ŭsich formach navučańnia ŭ BDUIR uzhadniajucca ź Ministerstvam adukacyi i buduć daviedzienyja najbližejšym časam».

Novych cen na navučańnie pakul niama i na sajtach inšych viadučych biełaruskich VNU:

Miž tym, jak paviedamlaje sajt Minadukacyi, ministr adukacyi Siarhiej Maskievič 26 lipienia zajaviŭ, što ceny na navučańnie studenta-pieršakurśnika pavinny być abjaŭlenyja VNU Biełarusi ŭ toj ža dzień — 26 lipienia. Pavodle jaho słoŭ, u siarednim navučańnie adnaho studenta-biudžetnika ŭ VNU abychodzicca dziaržavie da 18 młn. rubloŭ.

«VNU Biełarusi sumiesna z zacikaŭlenymi viedamstvami viaduć maksimalna ŭzvažanuju palityku adnosna płaty za navučańnie. Sioleta ŭ zatraty na navučańnie, jakija abaviazanyja buduć kampiensavać pieršakurśniki-płatniki, uvojduć zatraty na zarpłatu vykładčyckaha składu, vučebnyja i kamunalnyja raschody, biblijatečnyja navinki i h.d.», — skazaŭ Maskievič. Jon taksama nahadaŭ, što sioleta ŭsim abituryjentam, u tym liku tym, chto budzie vučycca na biudžecie, prapanavana zaklučyć dahavory na navučańnie.

Kamientary da artykuła