Samy vysoki konkurs u BDU — na śpiecyjalnaści «Dyzajn»

27.07.2012 / 13:08

Jon dasiahaŭ 13,2 čałavieka na miesca.

Samy vysoki konkurs u BDU sioleta byŭ na śpiecyjalnaści «Dyzajn», paviedamili ŭ pres-słužbie BDU.

Tak, pa kirunku «Kamunikatyŭny dyzajn» konkurs skłaŭ 13,2 čałavieka na miesca, pa kirunku «Dyzajn pradmietna-prastoravaha asiarodździa» — 6,3.

Taksama zapatrabavanyja ekanamičnyja śpiecyjalnaści Dziaržaŭnaha instytuta kiravańnia i sacyjalnych technałohij («Mieniedžmient» i «Markietynh») i Instytuta biźniesu i mieniedžmientu technałohij («Biźnies-administravańnie», «Łahistyka», «Kiravańnie infarmacyjnymi resursami»).

Konkurs na ich skłaŭ adpaviedna 4,7 i 4,6 čałavieka na miesca.

Na skaročanuju formu pa śpiecyjalnaściach «Fiłasofija» i «Pravaznaŭstva» konkurs skłaŭ 3,9 čałavieka na miesca. Taksama vysokija konkursy adznačanyja na śpiecyjalnaściach «Sacyjalny mieniedžmient» — 3,5 čałavieka na miesca; «Linhvakrainaznaŭstva», «Suśvietnaja ekanomika», «Mieniedžmient u śfiery mižnarodnaha turyzmu», «Sacyjałohija» — pa 3,4; «Sacyjalnyja kamunikacyi» — 3,2.

Na śpiecyjalnaści «Mižnarodnaje prava» i «Mižnarodnyja adnosiny» konkurs skłaŭ 2,9 čałavieka na miesca, «Hieainfarmacyjnyja sistemy vajennaha pryznačeńnia» i «Sacyjalnaja praca» — 2,8.

Pa śpiecyjalnaści «Kulturałohija» konkurs skłaŭ 2,7 čałavieka na miesca; «Sučasnyja zamiežnyja movy» — 2,6; «Mytnaja sprava», «Psichałohija» — 2,5. Konkurs na śpiecyjalnaści «Ramanna-hiermanskaja fiłałohija», «Uschodniaja fiłałohija», śpiecyjalnaści ekanamičnaha fakulteta skłali 2,3 čałavieka na miesca; «Žurnalistyka aŭdyjovizualnaja», «Litaraturnaja praca», «Palitałohija» — 2,2; «Pravaznaŭstva» (u vajennaj śfiery) — 2 čałavieki na miesca.

Usiaho na dzionnuju biudžetnuju formu navučańnia płan pryjomu składaje 2 tys. 134 čałavieki, dakumienty padaŭ 3 tys. 381 abituryjent. U tym liku — 121 pieramožca mižnarodnych i respublikanskich alimpijad i konkursaŭ; 490 abituryjentaŭ skončyli siaredniuju škołu ź miedalami abo siarednija śpiecyjalnyja navučalnyja ŭstanovy z vydatnymi dypłomami. Ź liku abituryjentaŭ BDU 44,4% — vypuskniki licejaŭ i himnazij, 10% — vypuskniki sielskich škoł. Šeść abituryjentaŭ nakiravanyja biełaruskaj dyjasparaj za miažoj. 32,1% udzielnikaŭ konkursu majuć sumarny bał vyšejšy za 300.

Dla atrymańnia druhoj vyšejšaj adukacyi padali dakumienty 339 abituryjentaŭ.

Pasiadžeńni pryjomnaj kamisii pa zaličeńni na dzionnuju biudžetnuju formu adbuducca 27, 28, 30 lipienia i 1 žniŭnia. Usie pasiadžeńni pryjomnaj kamisii pa zaličeńni buduć tranślavacca ŭ anłajn-režymie na sajcie BDU www.bsu.by z 15.00.

Čytajcie taksama:

Kamientary da artykuła