Žurnalistam zabaranili zdymać samalot, što pryvioz z Samali zahinułych pilotaŭ
«Čaho tam možna chavać?» — nie razumiejuć žurnalisty.
U Nacyjanalnym aeraporcie «Miensk» pryziamliŭsia samalot, jaki vyviez z Samali trupy zahinułych u hetaj krainie biełaruskich pilotaŭ i hramadzianaŭ, a taksama evakuavaŭ dziesiać techničnych supracoŭnikaŭ avijakampanii «Transavijaekspart».
Adrazu pa prylocie ŭ Miensk samalot byŭ schavany ad lišnich vačej u anhar. Kali z aeraporta pačali vyjaždžać aŭtobusy z evakuavanymi hramadzianami, a taksama hruzaviki ź ciełami biełaruskich pilotaŭ, žurnalistaŭ, što sabralisia ŭ aeraporcie, nie puścili rabić zdymki. Darohu im pieraharadzili supracoŭniki HAI.
U probcy stajać dva dziasiatki aŭtamabilaŭ jak ź dziaržaŭnymi, tak i niedziaržaŭnymi žurnalistami, a taksama svajakami i znajomymi zahinułych.
«Čaho tam možna chavać?», — nie razumiejuć ludzi.