Na śviata 3 lipienia buduć prapuskać praz turnikiety i nie puściać z rovarami
Z metaj biaśpieki miescy praviadzieńnia masavych mierapryjemstvaŭ u Minsku ŭ Dzień Niezaležnaści 3 lipienia buduć tradycyjna abharodžanyja, a naviedniki buduć prachodzić prazkantrolna-prapusknyja punkty, abstalavanyja mietaładetektarami, papiaredžvaje HUUS Minharvykankama.
Staličnaja milicyja nahadvaje, što padčas praviadzieńnia mierapryjemstvaŭ zabaraniajecca: mieć pry sabie zbroju, vybuchovyja rečyvy i śpiecyjalna prystasavanyja pradmiety, vykarystańnie jakich moža ŭjaŭlać pahrozu žyćciu i zdaroŭju hramadzian; pranosić ałkaholnyja, słabaałkaholnyja napoi, piva, a taksama lubyja inšyja napoi, za vyklučeńniem achaładžalnych napojaŭ u prazrystaj płastykavaj tary jomistaściu nie bolš jak 0,5 ł.; pranosić bujnahabarytnyja rečy; prychodzić z žyviołami; prychodzić ź viełasipiedami; znachodzicca ŭ stanie apjanieńnia; pranosić videa- i fotaaparaturu z dyjamietram abjektyva bolš jak 4 sm (biez adpaviednaha dazvołu); pieraškadžać pracy supracoŭnikaŭ milicyi.
Asnoŭnyja ŭračystaści projduć u centry stalicy.
Tak, kala abieliska «Minsk —horad-hieroj » na praśpiekcie Pieramožcaŭ z 12.00 da 13.40 adbudziecca vajenny parad vojskaŭ Minskaha harnizona, a taksama teatralizavanajespartyŭna-maładziožnaje šeście.
Z 13.00 da 19.00 u parku Pieramohi projdzie śviatočnaja kancertnaja prahrama «Biełaruś, maja miłaja!».
Z 14.00 da 19.00 na placoŭcy kala Pałaca sportu — śviata «Hanarusia taboj, Biełaruś».
Zavieršyć uračysty dzień
Taksama śviatočnyja saluty adbuducca: u parku imia900-hodździa Minska (Zavodski rajon), na terytoryi aeraporta«Minsk-1» (Kastryčnicki rajon), nasuprać budaŭničaj placoŭki «Akvapark» (Centralny rajon), u rajonie vulicy Pryharadnaja (Centralny rajon), na vulicy Rahačoŭskaja, 20 (Pieršamajski rajon).
U suviazi z praviadzieńniem masavych mierapryjemstvaŭ staličnaja Dziaržaŭtainśpiekcyja rekamienduje minčanam u hety dzień admovicca ad asabistych aŭto i skarystacca pasłuhami hramadskaha transpartu.