«Stylahi»: fłešmob ad viciebskaj moładzi — foty

Dziasiatki dziaŭčyn i chłopcaŭ apranulisia ŭ strakatyja harnitury.

Hrupie viciebskaj moładzi, jakaja arhanizavała i praviała ŭ Dzień horada fłešmob «Stylahi», jaskravymi farbami sapraŭdnaha śviata i leta ŭdałosia razahnać šeraść nadvorja i aficyjnych mierapryjemstvaŭ. «Stylahi» — jaskravy fłešmob ad viciebskaj moładzi.

Niekalki dziasiatkaŭ dziaŭčat i niekalki chłopcaŭ, apranutyja ŭ strakatyja harnitury pa modzie stylah — moładzievaj subkultury SSSR kanca 1940-ch — pačatka 1960-ch, jakaja antahanizavała z tahačasnym ładam žyćcia — sabralisia ŭ 18.00 u skviery Majakoŭskaha la fantana.

Moładź puskała mylnyja burbałki i nadzimanyja šaryki, tańčyła rok-n-roł i zaradžała pazityvam navakolnaje asiarodździe. Ludzi traplali pad upłyŭ soniečnych farbaŭ i rytmaŭ amierykanskaj muzyki siaredziny minułaha stahodździa niezaležna ad uzrosta: ad malečy, jakaja tolki navučyłasia chadzić, da pažyłych asobaŭ, jakija ŭžo chodziać ź ciažkaściu — usie dałučalisia da tancaŭ.

Fłešmob byŭ arhanizavany praz sacyjalnuju sietku Vkontaktie. Padzieja nabrała 273 udzielniki i 675 mahčymych udzielnikaŭ.

Kamientary da artykuła