Zachoplenaha achoŭnikam «Rubloŭskaha» žurnalista TUT.BY vyzvaliŭ śpiecnaz MUS
Nie tak daŭno pa prośbie čytačoŭ TUT.BY vyśviatlaŭ u načalnika Upraŭleńnia handlu i pasłuh Minharvykankama Volhi Skurko, ci možna fatahrafavać u kramach.
Akazałasia, možna, bo krama nie źjaŭlajecca vajennaj bazaj abo niejkim inšym sakretnym abjektam. Ale ci viedajuć u samich minskich kramach pra pazicyju halinovaha kiraŭnictva ŭ dačynieńni da fota- i videazdymki? Žurnalisty TUT.BY vyrašyli pravieryć heta asabista.
Naš niezvyčajny rejd my vyrašyli pačać z hipiermarkieta «Karona», što znachodzicca na staličnaj vulicy Kalvaryjskaj.Užo praź niekalki chvilin da našaha pazaštatnaha karespandenta Maksima Puškina, jaki demanstratyŭna zdymaŭ handlovuju zału i kasy, padyšoŭ spačatku adzin achoŭnik (pry zabaronie zdymki jon spasyłaŭsia na «niadaŭnija padziei» ŭ vyhladzie «vybuchu ŭ mietro»), a zatym — i dvoje inšych. Apošnija pačali dakazvać, što nalepki na ŭvachodzie ŭ «Karonu» majuć ledź nie roŭnuju siłu z zakonami Respubliki Biełaruś, a sam hipiermarkiet — pryvatnaja terytoryja. Na pytańnie, ci pierastaje na hetaj pryvatnaj terytoryi dziejničać ajčynnaje zakanadaŭstva, supracoŭniki achovy adkazać nie zmahli, nakiravaŭšy nas da administratara hipiermarkieta. Taja, u svaju čarhu, prademanstravała zahad uładalnika «Karony», u jakim byŭ punkt ab zabaronie fota- i videazdymki.
Zrešty, hety zahad — unutrany dakumient subjekta haspadarańnia. Luby student jurfaka viedaje, što ŭ častcy, jakaja supiarečyć nacyjanalnamu zakanadaŭstvu (u jakim, jak viadoma, niama ni namioku na zabaronu zdymki ŭ hramadskich miescach, da jakich adnosiacca i kramy), taki dakumient u pryncypie nie moža mieć jurydyčnaj siły.
Daviedaŭšysia, što nami pravodzicca žurnaliscki ekśpierymient, supracoŭniki achovy i apieratyŭna prybyły na padmohu siaržant milicyi vietliva paraili «pravodzić jaho ŭ inšym miescy».
Treba addać naležnaje: achova «Karony» ŭmieje pracavać vietliva i biez rukaprykładstva, čaho, na žal, nielha skazać pra ich kalehaŭ ź inšych handlovych sietak.Adnak pra heta nižej.
Paśla hipiermarkieta «Karona» my pasprabavali demanstratyŭna pazdymać taksama ŭ hastranomie «Rytejł» — tut ža, na Kalvaryjskaj, kala vychadu sa stancyi mietro Frunzienskaja. Ni pradaŭcy, ni achova nie źviarnuli na čałavieka z mabilnym telefonam nijakaj uvahi. Nie piarečyli suprać zdymki i supracoŭniki hastranoma № 36 na rahu vulic Rakaŭskaj i Špalernaj.
Naohuł, u adroźnieńnie ad «znakamitych» handlovych sietak, u maleńkich kramačkach nie robiać sakretu z raskładki tavaraŭ na vitrynach, dy i da ludziej z kamieraj staviacca značna spakajniej.
A voś u kramie «Rubloŭski», što na rahu vulicy Niamiha i praśpiekta Pieramožcaŭ, nas čakaŭ siurpryz. Užo praź niekalki siekund da našaha karespandenta padyšoŭ supracoŭnik achovy Dźmitryj Jašyn.
Paśla niepraciahłaj «lekcyi» ab pravach i abaviazkach pakupnikoŭ, spałučanaj z chapańniem za ruki, jon litaralna schapiŭ žurnalista ŭ achapak i panios u słužbovaje pamiaškańnie, dzie utrymlivaŭ da prybyćcia vyklikanaj im ža milicyi.
Na ščaście, supracoŭniki milicejskaha śpiecnaza, jakija pryjechali pa vykliku, akazalisia absalutna jurydyčna piśmiennymi ludźmi. Jany i vyzvalili našaha karespandenta, zatrymanaha achoŭnikam «Rubloŭskaha» — pravieści ŭ ciesnaj kamorcy Maksimu daviałosia tolki kala 10 chvilin.
Na prośbu supracoŭnikaŭ milicyi (usie ž zatrymlivać niebiaśpiečnych bandytaŭ im davodzicca našmat čaściej, čym vyzvalać zachoplenych vartaŭnikami kram žurnalistaŭ), my nie publikujem videa ź ich tvarami. Prosta, karystajučysia vypadkam, chočam skazać im dziakuj.
A voś z achovaj handlovych sietak, na žal, usio daloka nie tak viesieła. Pakul jašče ŭnutranyja rasparadžeńni kiraŭnictva majuć dla jaje supracoŭnikaŭ pryjarytet navat pierad zakonami krainy. Tamu, fatahrafujučy, naprykład, svaich siabroŭ na fonie roznakalarovych vitryn i stełažoŭ, sprabujučy apublikavać u Twitter abo Facebook paciešny abo bahaty na nuli ceńnik, roŭna jak i zdymajučy na videa kanflikt z pradaŭcami, my ŭsie ryzykujem ździejśnić padarožža pa handlovym zale na mocnych rukach achoŭnika i navat apynucca ŭ źniavoleńni da prybyćcia milicyi.
Zrazumieła, što milicyja vas u vyniku vypuścić, ale niepryjemny asadak zastaniecca. A voś uładalnikam kram, mabyć, varta vyvučyć zakanadaŭstva krainy, u jakoj jany viaduć biznes, abo jak minimum źviarnucca pa jaho tłumačeńni va Upraŭleńnie handlu i pasłuh Minharvykankama.