Padazravanaha ŭ zabojstvie aryštavali na viasielli

Jak paviedamiŭ BiełaPAN supracoŭnik adździaleńnia infarmacyi i hramadskich suviaziaŭ UUS Hrodzienskaha abłvykankama Ihar Biełazioraŭ, złačynstva było ździejśniena ŭviečary 8 maja. Trup 24-hadovaha maładoha čałavieka sa šmatlikimi nažavymi ranieńniami znajšli rana ranicaj 9 červienia rabotniki śpiecaŭtahaspadarki.

Pavodle infarmacyi vidavočcaŭ, viečaram 8 červienia jany bačyli bojku kala škoły pa vulicy Praletarskaj i aŭtamabil «KIA» sierabrystaha koleru, jaki adjazdžaŭ. U chodzie apieratyŭna-vyšukovych mierapryjemstvaŭ było vyśvietlena, što transpartny srodak naležyć 24-hadovamu žycharu adnoj ź viosak Ščučynskaha rajona, jaki pierajechaŭ u abłasny centr. Jašče niadaŭna jon sustrakaŭsia ź dziaŭčynaj, što žyvie ŭ adnym padjeździe z zabitym.

U dzień złačynstva padazravany, pierapoŭnieny pačućciom reŭnaści, damoviŭsia ab sustrečy sa svajoj budučaj achviaraj. Na sustrečy pamiž maładymi ludźmi ŭspychnuła svarka. Padazravany schapiŭsia za nož i zabiŭ supiernika, paśla hetaha sieŭ u «KIA» i źjechaŭ.

Sprava ŭzbudžanaja pa častcy 1 artykuła 139 KK (zabojstva).

Kamientary da artykuła