Taksi pierachodziać na žoŭtyja numary
Pieršaja ličba numara budzie aznačać kod vobłaści i horad Minsk, dalej iduć 3 litary — TACH i čatyrochznačny numar.
Pastanovaj Dziaržaŭnaha kamiteta pa standartyzacyi, mietrałohii i siertyfikacyi Biełarusi ŭniesieny źmianieńni ŭ dziaržstandart «Znaki rehistracyjnyja i znak adrozny transpartnych srodkaŭ. typy i asnoŭnyja pamiery, techničnyja patrabavańni, mietady vyprabavańniaŭ».
Jak paviedamili karespandentu BIEŁTA va ŭpraŭleńni DAI MUS Biełarusi, u adpaviednaści z hetym dakumientam transpartnyja srodki, što vykarystoŭvajucca dla pieravozak pasažyraŭ, akramia taksomietra, apaznavalnaha znaka «Taksi» i śpiecyjalnaj afarboŭki pavinny mieć śpiecyjalnyja rehistracyjnyja znaki. Hetyja źmianieńni byli ŭniesieny pa inicyjatyvie MUS z metaj bolš efiektyŭnaha spynieńnia dziejnaści nielehalnych pasažyrskich aŭtapieravozčykaŭ.
Jak miarkujecca, hetyja źmianieńni buduć aficyjna apublikavany ŭ pačatku krasavika i zhodna z rastłumačeńniami Dziaržstandarta mohuć prymianiacca z dnia apublikavańnia.
U DAI adznačyli, što ciapier rehistracyjnyja znaki ŭžo vyrableny. Jany majuć žoŭty fon i čornyja simvały. Pieršaja ličba numara budzie aznačać kod vobłaści i horad Minsk, dalej iduć 3 litary — TACH i čatyrochznačny numar.
Vydača rehistracyjnych znakaŭ praduhledžvaje zamienu paśviedčańnia ab rehistracyi z raźmiaščeńniem u im u asablivych adznakach śpiecyjalnaha znaka. Košt znaka Br31 tys., zamiena paśviedčańnia ab rehistracyi Br15,5 tys. Dla taho, kab nie ŭnosić źmianieńni ŭ inšyja dakumienty (licenzii, strachavoje paśviedčańnie i h.d.), śpiecyjalnyja rehistracyjnyja znaki buduć vydavacca ŭ dadatak da ŭžo isnujučych u jakaści dublirujučych.
U DAI źviarnuli ŭvahu na toje, što bieź śpiecyjalnaha rehistracyjnaha znaka nielha budzie atrymać licenzijnuju kartku ŭ Ministerstvie transpartu i kamunikacyj.