Rasijski Centrabank try apošnija pracoŭnyja dni pradavaŭ pa $200 młn u dzień
Bank Rasii ŭ try apošnija pracoŭnyja dni pradavaŭ na ŭnutranym valutnym rynku pa $200 młn u dzień, paviedamiŭ kiraŭnik CB Siarhiej Ihnaćjeŭ u sieradu na XXI Mižnarodnym bankaŭskim kanhresie.
Pavodle jaho słovaŭ, padzieńnie cenaŭ na naftu vyklikała čakańnie paharšeńnia płaciožnaha bałansu Rasii i pasłableńnia rubla. Ihnaćjeŭ nahadaŭ, što ŭ traŭni nafta patańnieła prykładna na $20 za barel, abo na 17%, košt bivalutnaha košyka (0,55 dalara i 0,45 jeŭra) z pačatku maja vyras na 10%.
«Dalejšaja dynamika kursu rubla zaležyć ad źmieny cenaŭ na naftu», — skazaŭ Ihnaćjeŭ.
Raniej stała viadoma, što Centrabank na minułym tydni pavialičyŭ prodaž zamiežnaj valuty amal u 45 razoŭ.