Soram: druhi čempijanat zapar sastupili francuzam

Zbornaja Biełarusi mieła pierśpiektyvu vylecieć u dyvizijon V.

Biełaruskija prafiesijanały znoŭ prajhrali napaŭamataram.

Kolki hučnych prahram abviaščajecca na dziaržaŭnym uzroŭni ab padtrymcy chakieja ŭ krainie, spartsmieny atrymlivajuć pa 15 tysiač dalaraŭ u miesiac, a druhi čempijanat śvieta zapar prajhrajem Francyi, dzie chakiej na paŭprafiesijnym uzroŭni.

Pačatak byŭ aptymistyčny, kali paśla razmašystaj pryhožaj ataki, Alaksiej Kalužny raśpiačatvaŭ Krystabala Jue. Na trybunach uźnialisia bieł-čyrvona-biełyja ściahi. Ale bolej pryčyn dla radaści tak i nie było.

Zdavałasia, što ŭsio idzie da oviertajma, ale Oviciu za dźvie chviliny da kanca vyrvaŭ pieramohu dla «trochkalarovych». I nie nazavieš hety projhryš vypadkovym, bo sastupili i pa kolkaści kidkoŭ.

Biełarusaŭ ad vyletu ŭ nižejšy dyvizijon vyratavaŭ Kazachstan, što prajhraŭ viečaram paniadziełka Finlandyi 1:4.

Francuzy ž u hulni sa Słavakijaj razyhrajuć čaćviortuju pucioŭku ŭ płej-of.

Zaŭtra našy sustrenucca jašče z Kanadaj. Ale ŭ lubym vypadku vyhladaje, što najvyšejšym miescam dla Biełarusi moža stać 14-aje.

Kamientary da artykuła