Dźmitryjeŭ i Paškievič atrymali pa 10 sutak aryštu
U Smalavičach prajšoŭ sud nad aktyvistami «Havary praŭdu», jakich sudzili za schod 10 sakavika.
U sudzie Smalavickaha rajona viečaram 7 maja adbyŭsia razhlad administracyjnaj spravy suprać adnaho z kiraŭnikoŭ hramadzianskaj kampanii «Havary praŭdu» Andreja Dźmitryjeva i aktyvista hetaj kampanii Michaiła Paškieviča.
Ich vinavacili ŭ parušeńni praviłaŭ praviadzieńnia masavych mierapryjemstvaŭ.
Abvinavačanyja zładzili 10 sakavika schod dačnikaŭ i žycharoŭ Smalavickaha rajona suprać budaŭnictva na terytoryi viosak kitajska-biełaruskaha industryjalnaha parka.
Sudździa Smalavickaha rajona Alena Miśnik asudziła Andreja Dźmitryjeva i Michaiła Paškieviča na 10 sutak kožnaha.
Nahadajem, što 12 krasavika 2012 hoda paśla sustrečy staršyni Smalavickaha rajvykankama z dačnikami zatrymała šerah aktyvistaŭ. Siarod ich byli zatrymanyja Dźmitryjeŭ i Paškievič.
Kampanii "Havary praŭdu" taksama naležyć ideja "Hramadzianskaj damovy".