Rasija adpraŭlaje ŭ kosmas Aleha Navickaha

Start — 15 kastryčnika.

Źleva naprava: Ford, Tarełkin i Navicki. Padčas trenirovak u Zornym haradku.

Uradženiec Biełarusi Aleh Navicki uklučany ŭ skład ekipaža ekśpiedycyi na Mižnarodnuju kaśmičnuju stancyju vosieńniu hetaha hoda. Jon budzie trecim biełarusam-kasmanaŭtam paśla Piatra Klimuka i Uładzimira Kavalonka.

U pačatku sakavika kasmanaŭty «Raskosmasa» Aleh Navicki i Jaŭhienij Tarełkin paśpiachova prajšli zalikovuju treniroŭku na trenažory rasijskaha siehmienta Mižnarodnaj kaśmičnaj stancyi (RS MKS) u Centry padrychtoŭki kasmanaŭtaŭ. Navickamu i Tarełkinu, jakija ŭvachodziać razam z astranaŭtam NASA Kievinam Fordam u ekipaž MKS-33/34, u traŭni 2012 treba dublavać asnoŭny ekipaž MKS-31/32 (Hienadź Padałka, Siarhiej Revin i Džozaf Akaba).

Start ekipaža 33/34-j asnoŭnaj ekśpiedycyi na MKS zapłanavany na 15 kastryčnika. Kasmanaŭtam treba budzie pravieści na MKS 170 sutak.

«U našaha ekipaža zapłanavana kala 50 roznych navukovych ekśpierymientaŭ, roznyja ramontna-adnaŭlenčyja raboty na rasijskim siehmiencie MKS, daasnaščeńnie stancyi jak unutry, tak i zvonku Budziem pravodzić kanfierencyi, zdymać navukova-paznavalnyja repartažy, nakiravanyja na papularyzacyju našaha kosmasu», — skazaŭ Navicki.

Aleh Navicki naradziŭsia 12 kastryčnika 1971 u Červieni (Minskaja vobłaść). U 1994 skončyŭ Kačynskaje avijacyjnaje vučylišča, u 2006-m — Vajenna-pavietranuju akademiju imia Haharyna. Ź listapada 1995 da vieraśnia 2004-ha słužyŭ na pasadach lotčyka, starejšaha lotčyka, kamandzira źviana, namieśnika kamandzira avijacyjnaj eskadrylli šturmavoha avijacyjnaha pałka (ŠAP) 4-j pavietranaj armii (VA) i 4-j armii VPS i SPA (Paŭnočna-Kaŭkazskaja vajennaja akruha, štab u Rastovie-na-Donie).

Kamientary da artykuła