Iggy Pop — The Passenger
21 krasavika adnamu z zasnavalnikaŭ alternatyŭnaha roka spaŭniajecca 65.
21 krasavika naradziŭsia adzin z zasnavalnikaŭ alternatyŭnaha roka i hranža Ihi Pop. Sioleta jon adznačaje 65-hodździe. Sapraŭdnaje imia śpievaka — Džejms Ńjueł Ostenbierh. Ihi maje narviežskija karani pa maci i šviedskaje imia ad baćki, jakoha ŭsynaviła šviedska-amierykanskaja siamja. Sceničnaje imia jon atrymaŭ dziakujučy ŭdziełu ŭ hurcie «The Iguanas».
Ihi Pop viadomy nie tolki svajoj muzykaj, ale i rolami ŭ filmach i sieryjałach, u tym liku ŭ kultavych filmach Džyma Džarmuša «Kava i cyharety» (vystupiŭ u roli samoha siabie na paru z Tomam Uejtsam u roli Toma Uejtsa) i «Miarćviak». Taksama jahonaja muzyka hučyć u niekatorych stužkach u jakaści saŭndtrekaŭ.
Scena ź filma «Kava i cyharety»
***
Rajder Ihi Popa i hurta The Stooges mała padobny na zvyčajny śpis patrebnaha abstalavańnia, ježy i hetak dalej. «NN» prapanuje vam vytrymki z rajdera, ź jakich vynikaje, što arhanizoŭvać kancert Ihi Popa nie mienš viesieła, čym na jaho schadzić.
«Nam patrebny adzin hukarežysior, jaki dobra vałodaje anhlijskaj movaj i nie baicca śmierci (heta ja žartuju, albo nie?), a jašče jon musić troški ciamić u abstalavańni. Apošniaje moža padacca vam składannym, ale paviercie mnie — tak budzie lepš».
«Voś, naprykład, naš hitaryst Krys kaža, što panda heta nie miadźviedź, a ŭvohule takaja śvińnia. Heta moža być praŭdaj? A kali nie, čamu jon ryzykuje kazać pra heta mnie, kali ja mahu paviedamić usiamu śvietu pra jaho durackuju teoryju?» (z raździeła — «sceničnyja manitory»).
«U hrymiercy nam było b niabłaha mieć čałavieka, apranutaha jak komik Bob Choŭp, i kab jon raskazvaŭ pra Halivud, holf i Binha Krośbi. Škada, što my nie zastali tyja časy, kali jon byŭ žyvy…. Chacia možna prosta ladoŭniu ź niehazavanaj minierałkaj».
«Skrynia jakasnaha piva, i tut daju padkazku — jahonaja nazva nie pavinna pačynacca na «b» i skančvacca na «advajzier». Biezakłaholnaje piva dla saksafanista. I butelka harełki. Tolki ni z kryvavaj Anhlii. Chaj lepiej z Hałandyi, słuchajcie, a byvaje biezałkaholnaja harełka? Tady b naš saksafanist moh by dadavać jaje ŭ viski».
«U hrymiorcy musić być $50 na dabračynnuju razdaču biaspłatnaha supa, z kvitancyjaj dla padatkovaj słužby. Praŭda, vy jašče nie škadujecie, što zanialisia muzyčnym biznesam?»
«Piać parkovačnych miescaŭ pierad scenaj, kali raptoŭna spatrebicca kudy-niebudź jechać. I kałodu kart — časam našyja siabroŭki nudziacca na kancertach, tamu jany b mahli siadzieć za scenaj i hulać u karty. Biezumoŭna, na hrošy. I dadatkovaja kałoda — raptam my zachočam zamiest kancerta pakazvać kartačnyja fokusy».
Apošniaja staronka rajdera ŭjaŭlaje ź siabie «Dadatak, što b heta nie musiła značyć»: «Kali heta čytajuć stvaralniki realici-šoŭ — chacia navošta b im heta čytać? — dyk voś u mianie jość ideja realici-šoŭ pad nazvaj «Vyspa miortvaj sabaki».
Aŭtabijahrafiju Ihi Popa «Mnie treba bolej» u pierakładzie na ruskuju movu možna pračytać tut.