Hałasy ŭ hałavie Brejvika zaklikali jaho nie stralać u ludziej
Ale ja dastaŭ pistalet i vyrašyŭ: ciapier ci nikoli.
U Osła praciahvajecca sudovy praces nad abvinavačanym u ździajśnieńni teraktaŭ u lipieni 2011 hoda. Tady zahinuli 77 čałaviek.
Siońnia Anders Brejvik raskazvaŭ pra abstaviny rasstrełu ludziej u moładzievym łahiery Rabočaj partyi Narviehii na vyśpie Uteja.
«Sotni hałasoŭ u majoj hałavie paŭtarali — „nie rabi hetaha, nie rabi hetaha“. Ale ja ŭžo byŭ akružany.
Vakoł mianie byli ludzi, ja dastaŭ pistalet i vyrašyŭ: ciapier ci nikoli», — raskazaŭ Brejvik.Pavodle jaho słovaŭ, jon byŭ pierakanany, što sustrenie na vyśpie surjozny supraciŭ i zahinie. Ale tam byŭ tolki adzin biazzbrojny palicyjant u cyvilnym.
Teraryst pryznaŭsia, što płanavaŭ strełami napałochać jak maha bolš ludziej, kab jany kinulisia ŭ vadu i patanuli.
Padčas dopytu sudździa vymušany byŭ abjavić pierapynak — mnohija svajaki zahinułych płakali i sychodzili z zały, paviedamlaje RIA «Novosti».
Nahadajem, maksimalnaje pakarańnie, jakoje pahražaje Andersu Brejviku, składaje 21 hod źniavoleńnia. Sam jon zajaviŭ, što jaho albo pavinny vyzvalić, albo asudzić na śmiarotnaje pakarańnie.