Biełarusy kuplajuć usio bolš «Samsunhaŭ» zamiest «Haryzontaŭ»

Zatoje addajuć pieravahu ajčynnym pralnym paraškam i chaładzilnikam.

Biełstat apublikavaŭ spravazdaču ab roźničnym handli za studzień-sakavik 2012 hoda. Pavodle aficyjnych padlikaŭ, za hety čas nasielnictva nabyła charčavańnia, napojaŭ i cyharet na $2,32 miljarda, a taksama niecharčovych tavaraŭ na $2,4 miljarda. Heta na 4,5% i 10,9% adpaviedna bolš, čym hod tamu.

Cikavaść vyklikajuć pieravahi biełarusaŭ pa kožnym ź vidaŭ tavaraŭ — bolš pradajecca ajčynnaha ci zamiežnaha?

Što da charčavańnia, bo ŭ bolšaści katehoryj (miasa, syry, masła, jajki, harodnina, soki, biezałkaholnyja napoi) dola biełaruskaha tavaru składaje 80–99% rynku. Vyklučeńnie — sadavina (13% prodažaŭ), ryba (54%) i krupy (49%).

A voś u niecharčovych tavarach pieravaha «svajho» nie takaja zaŭvažnaja. Ajčynnyja vierchniaje adzieńnie i abutak zajmajuć 65–70% rynku, trykataž — 81%, a škarpetki — 91%.

Značnaha pośpiechu dasiahnuli ajčynnyja myjučyja srodki. Hod tamu jany mieli 34% prodažaŭ na rynku, a ciapier, dziakujučy pośpiechu «Mary», zdabyli ŭžo 52%.

Źvierniemsia i da techniki. Biełarusy ŭsio jašče ceniać ajčynnyja chaładzilniki (79% rynku zamiest minułahodnich 69%) i pralnyja mašyny (69% zamiest 39%).

Zatoje «Haryzonty» i «Viciazi» kančatkova pramianiali na «Samsunhi» i «Filipsy». Hod tamu dola ajčynnych televizaraŭ składała 57%, a ciapier usiaho 41%.

Kamientary da artykuła