Ad čaćviarha ŭ Biełarusi pačnuć adklučać aciapleńnie

U Biełarusi z 12 krasavika zaviaršajecca aciaplalny siezon 2011/2012 hoda, paviedamili ŭ departamiencie pa enierhaefiektyŭnaści Dziaržstandartu.

Siońnia ŭ departamiencie adbyłosia pasiadžeńnie respublikanskaj apieratyŭnaj hrupy pa aptymizacyi režymaŭ ciepłazabieśpiačeńnia i ekanomnaha vykarystańnia paliva i enierhii.

«U suviazi z prahnazavanym rezkim pavyšeńniem tempieratury pavietra i dla vyklučeńnia nieabhruntavanych vydatkaŭ paliŭna-enierhietyčnych resursaŭ respublikanskaja apieratyŭnaja hrupa pa aptymizacyi režymaŭ ciepłazabieśpiačeńnia i ekanomnaha vykarystańnia paliva i enierhii pryniała rašeńnie ab zaviaršeńni z 12 krasavika aciaplalnaha pieryjadu», — adznačyli ŭ departamiencie.

Z 12 krasavika rekamiendavana pieravodzić u režym prapalvańnia dziciačyja daškolnyja, školnyja, lačebna-prafiłaktyčnyja, miedycynskija ŭstanovy, ustanovy sacyjalnaha zabieśpiačeńnia, muziei, a taksama adklučać sistemy aciapleńnia hramadskich, administracyjnych budynkaŭ, pramysłovych pradpryjemstvaŭ i inšych abjektaŭ, žyllovaha fondu, internataŭ, haścinic.

Kamientary da artykuła