Brat Bakijeva ŭciok z kałonii

Dziaržaŭnaja słužba vykanańnia pakarańniaŭ (DSVP) paćvierdziła infarmacyju pra toje, što źbieh brat eks-prezidenta Kurmanbieka Bakijeva — Achmat Bakijeŭ.

Pavodle jaho słovaŭ A. Bakijeŭ źbieh z balnicy, dzie jon znachodziŭsia na lačeńni.

«U čas znachodžańnia ŭ balnicy № 6 jamu ŭdałosia źbiehčy, infarmacyja pa dadzienym incydencie ciapier udakładniajecca», — adznačyŭ A. Niksdorf.

Jak paviedamlałasia raniej, advakaty A. Bakijeva prasili vynieści apraŭdalny prysud u dačynieńni da svajho padabaronnaha, ale Viarchoŭny sud pastanaviŭ pakinuć u sile prysud Čujskaha abłasnoha suda ad 10 kastryčnika 2011 hoda, a ŭ zadavalnieńni pradstaŭleńniaŭ Čujskaj abłasnoj prakuratury, nahladnaj skarhi advakata paciarpiełaha K. Ismanava i advakataŭ asudžanaha A.Bakijeva admoviła.

Nieabchodna adznačyć, što asudžany A.Bakijeŭ na 6 sakavika 2012 h. adbyŭ 2 hady 9 miesiacaŭ, a nieadbytaja častki terminu pakarańnia składaje 2 hady 6 miesiacaŭ. Kaniec terminu pakarańnia asudžanaha minaje 3 vieraśnia 2014 hoda.

Brat eks-prezidenta Kyrhyzstana A.Bakijeŭ abvinavačvaŭsia ŭ ździajśnieńni ciažkich złačynstvaŭ: arhanizacyi masavych biesparadkaŭ, raspalvańni mižnacyjanalnaj varožaści, arhanizacyi niezakonnaha ŭzbrojenaha farmiravańnia, vymahalnictvie, niezakonnym nabyćci i zachoŭvańni ahniastrelnaj zbroi, samavolnym zaniaćci ziemlaŭ, ŭźviadzieńni kapitalnaha budynka na ziemlach lasnoha fondu.

Kamientary da artykuła