Miadźviedzieŭ daručyŭ «razhledzieć zakonnaść i abhruntavanaść prysudu Chadarkoŭskamu»
Pra heta ŭ paniadziełak uranku z paznakaj «Terminova» paviedamili rasijskija infarmahienctvy.
Učora ŭ Rasii prajšli prezidenckija vybary, na jakich, pavodle aficyjnych źviestak, Pucin nabraŭ kala 64% hałasoŭ.
A ŭranku paniadziełka Dźmitryj Miadźviedzieŭ padpisaŭ pieralik daručeńniaŭ pa vynikach sustrečy z kiraŭnikami pazasistemnaj apazicyi, siarod jakich źmiaščajecca daručeńnie Hienprakuratury praanalizavać abhruntavanaść prysudaŭ Michaiłu Chadarkoŭskamu i Płatonu Lebiedzievu, paviedamlajecca na aficyjnym sajcie prezidenta Rasii.
Pavodle tekstu dakumienta, Miadźviedzieŭ daručyŭ Hienprakuratury ŭ termin da 1 krasavika 2012 «va ŭstanoŭlenym paradku pravieści analiz zakonnaści i abhruntavanaści abvinavaŭčych prysudaŭ suda ŭ dačynieńni da hramadzian Rasijskaj Fiederacyi zhodna z dadatkam». U dadatku pieraličany 32 imia, i ŭ hetym śpisie fihurujuć imiony Michaiła Chadarkoŭskaha i Płatona Lebiedzieva.
Akramia taho, u śpisie, apublikavanym na aficyjnym sajcie prezidenta Rasiei, źmiaščajecca imia Siarhieja Arakčejeva, asudžanaha
Adkaznym za vykanańnie hetaha daručeńnia pryznačany hienprakuror Juryj Čajka.
Adnačasova Dźmitryj Miadźviedzieŭ daručyŭ Miniustu na praciahu 10 dzion padać jamu infarmacyju ab padstavach admovy ŭ rehistracyi Partyi narodnaj svabody (PARNAS).