Za falsifikacyju «Jeŭrafestu» zvolniać Baranava
«Nieadkładna — nie značyć, što siońnia. Usio budzie tak, jak skazaŭ prezident. Nie sumniavajciesia», — zajaviŭ Davydźka.
Vykanaŭčy pradziusier telekanała «Biełaruś-1» Dźmitryj Baranaŭ budzie zvolnieny, paviedamiŭ staršynia Biełteleradyjokampanii Hienadź Davydźka.
«Ja čakaju kankretnaha rasparadžeńnia na papiery. I jano budzie», — skazaŭ Davydźka, kamientujučy rasparadžeńnie Alaksandra Łukašenki na naradzie 24 lutaha nieadkładna zvolnić asob, vinavatych u skažeńni vynikaŭ hałasavańnia na Nacyjanalnym televizijnym muzyčnym prajekcie «Jeŭrafest».
«Nieadkładna — nie značyć, što siońnia. Usio budzie tak, jak skazaŭ prezident. Nie sumniavajciesia», — zajaviŭ Davydźka.
Jon nie vyklučaje, što akramia Baranava buduć zvolnienyja i inšyja vinavatyja supracoŭniki Biełteleradyjokampanii.
Davydźka taksama paviedamiŭ, što praciahvaje pracavać śpiecyjalnaja kamisija, jakaja «vyznačaje stupień viny ŭdzielnikaŭ hetych padziejaŭ». «Nie chočacca, kab chtości ahulna paciarpieŭ», — Biełteleradyjokampanii adznačyŭ staršynia. «Samaje hałoŭnaje, što spraviadlivaść pieramahaje, a my zajmajemsia padrychtoŭkaj hrupy Litesound da «Jeŭrabačańnia», — dadaŭ jon.
Raniej u intervju partału Interfax.by pradziusier dyrekcyi muzyčnych i zabaŭlalnych prahram Biełteleradyjokampanii, pradziusier «Jeŭrafesta» Anastasija Cichanovič zajaviła, što ŭ kalektyvie, jaki pracuje nad padrychtoŭkaj da
«Heta vielmi bujnaja padstava. Heta nie ŭkładvajecca ŭ hałavie. Nichto ŭ heta nie vieryć», — zajaviła Cichanovič.
Raniej na naradzie z udziełam Łukašenki pa vynikach praviadzieńnia finału «Jeŭrafestu» pieršy namieśnik kiraŭnika Administracyi prezidenta Alaksandr Radźkoŭ zajaviŭ, što źmianić vyniki hałasavańnia hledačoŭ na «Jeŭrafeście» rasparadziŭsia pradziusier Dźmitryj Baranaŭ.
Pahavaryć z samim Dźmitryjem Baranavym žurnalistam pakul nie atrymoŭvajecca — jaho telefon nie adkazvaje.