U Dziaržynskim rajonie znojdzieny trup čałavieka z turemnymi tatuiroŭkami, zakuty ŭ kajdanki
Milicyja vyśviatlaje jaho asobu.
Milicyja Minskaj vobłaści vyśviatlaje asobu mužčyny, znojdzienaha zabitym u Dziaržynskim rajonie.
Jak paviedamili ŭ adździaleńni infarmacyi i hramadskich suviaziaŭ UUS Minskaha abłvykankama,
trup nieviadomaha z zamknutymi na zapiaściach ruk za śpinoj kajdankami z prykmietami hvałtoŭnaj śmierci byŭ znojdzieny 23 lutaha kala 11.00 za 30 mietraŭ ad aŭtadarohi Žuravinka — Pałanievičy ŭ Dziaržynskim rajonie u lasnym masivie.
Prykmiety: na vyhlad
45-50 hadoŭ, rost 173 sm., na vyhlad armianskaj nacyjanalnaści, siaredniaha ciełaskładu, vałasy ciomnyja, majecca łobna-ciemiannaja łysina,na tvary ščeć čornaha koleru ź siviznoj, daŭžynia stupaka 24 sm (40--41 pamier).
Asablivyja prykmiety: majecca mnostva tatujavańniaŭ: na stupaku pravaj nahi tatuiroŭka "ONI"; na levym stupaku "USTALI"; na kaleniach obiedźviuch noh tatuiroŭki ŭ vyhladie aščeranych tyhrynych paščaŭ, jakija hladziać adna na adnu;
na pravaj nazie nad paščaj tyhra tatu ŭ vyhladzie čerapa prabitaha nažom ; na plačach 8-kancovyja zorki; na pravym pieradpleččy vyjava Maci Božaj; na levym pieradpleččy karabiel ź vietraziem; na śpinie carkva z 10-ju kupałami i kryžami i nadpisam na joj 1996—2003.
Byŭ apranuty: kurtka skuranaja karotkaja čornaha kolera, bajka ciomna-siniaha koleru z błakitnymi ŭstaŭkami pa bakach i nadpisam na hrudziach NATURAL directional liwimtip cult, majka piasočnaha koleru z nadpisam UNICEF, čornyja nahavicy, krasoŭki ź biełymi pałoskami.
Kajdanki ź mietału biełaha kolera majuć zavodski numar V-4121.
Milicyja zaklikaje hramadzianaŭ, jakija viedajuć hetaha čałavieka, paviedamić źviestki pra jaho pa telefonach upraŭleńnia kryminalnaha vyšuku UUS Minabłvykankama: (17) 204-60-63, 229-05-90.