Z Ukrainy va Ŭkrainu praź Biełaruś stanie jeździć praściej
Na biełaruskim učastku darohi Słavucič - Čarnobylskaja AES budzie ŭstanoŭleny sproščany paradak prajezdu. Čarnobylskich specyjalistaŭ ciapier nia buduć štoraz dahladać na miažy.
Na biełaruskim učastku darohi Słavucič - Čarnobylskaja AES budzie ŭstanoŭleny sproščany paradak prajezdu. Čarnobylskich specyjalistaŭ ciapier nia buduć štoraz dahladać na miažy.
Prezident Biełarusi adobryŭ u jakaści asnovy dla praviadzieńnia pierahavoraŭ prajekt pahadnieńnia pamiž uradami Biełarusi i Ukrainy ab sproščanym paradku prajezdu ŭčastka aŭtamabilnaj darohi Słavucič - Čarnobylskaja AES, jaki prachodzić pa terytoryi Respubliki Biełaruś. Jak paviedamili BIEŁTA u pres-słužbie biełaruskaha lidera, adpaviedny ŭkaz kiraŭnik dziaržavy padpisaŭ 22 lutaha.
Sproščany paradak propusku płanujecca ŭstanavić adnosna rabotnikaŭ, transpartnych srodkaŭ i hruzaŭ Čarnobylskaj AES i pradpryjemstvaŭ, jakija ažyćciaŭlajuć dziejnaść u zonie adčužeńnia, a taksama zamiežnych śpiecyjalistaŭ, pryciahnutych da realizacyi mižnarodnych prajektaŭ adnosna zakryćcia Čarnobylskaj AES. Prajektam pahadnieńnia praduhledžvajecca taksama vyzvaleńnie ad mytnaha nadhladu ŭdzielnikaŭ tranzitnaha prajezdu, jakija pierasiakajuć biełaruska-ŭkrainskuju dziaržaŭnuju hranicu.
Na praviadzieńnie pierahavoraŭ i padpisańnie pahadnieńnia ŭpaŭnavažany pieršy namieśnik premjer-ministra Biełarusi Uładzimir Siamaška.