Viaźniu ivacevickaj kałonii nie addajuć vypisanuju «Našu Nivu»
Majo proźvišča zabielenaje karektaram, a na haziecie napisana «na atrad».
U papraŭčaj kałonii № 5 u Ivacevičach adzin ź viaźniaŭ N nie moža čytać vypisanuju na jahonaje imia hazietu «Naša Niva». Supracoŭniki kałonii nie pieradajuć vydańnie aryštantu, u biblijatecy nie mohuć dapamahčy, bo viazień nie maje na rukach kvitancyi ab padpiscy.
Voś jak apisaŭ situacyju sam źniavoleny ŭ adnym sa svaich listoŭ: «Uvieś 2011 hod hazieta prychodziła svoječasova, i pryjemna było być u kursie padziej
i navinaŭ śvietu. Tut heta vielmi važna i treba. Vymušany paturbavać Vas z pryčyny nastupnaha — u 2012 hodzie vypisanaja na majo imia hazieta z-za čahości apynułasia nie ŭ maich rukach. Majo proźvišča zabielenaje karektaram, na haziecie proźvišča bryhadzira z…, a na haziecie napisana «na atrad». Dadzienaja asoba abjaviła mnie, što z hetaj haziety jana (!) budzie rabić padpisku-padšyŭku, a mnie, moža być, i daduć pračytać kali-niebudź. Uvohule — zvyčajnaje biahučaje biaźmiežža. U biblijatecy, kudy prychodzić pošta, mnie rastłumačyli, što pakolki ŭ mianie niama kvitancyi ab padpiscy, to i kazać niama pra što. Na majo imia haziety — niama! Na žal, z pryčyny takoha stanovišča spravaŭ, mienavita tyja ludzi, kamu darahaja i cikavaja vaša hazieta i zajmajemaja joju hramadzianskaja pazicyja — pračytać «Nivu» ŭžo nie mohuć».
Čytajcie taksama:
Kamientary da artykuła