Top-10 samych vysokaapłatnych biełaruskich tenisistaŭ — foty
I Viktoryja Azaranka, i Maksim Mirny ŭžo zarabili bolš za $10 miljonaŭ. Ale jany nie adny.
Hałoŭny pakazčyk paśpiachovaści tenisistaŭ — vysokaje miesca ŭ suśvietnym rejtynhu.
Zvańnie pieršaj rakietki śvietu, navat kali ŭ takim zvańni spartsmien pabyŭ usiaho tydzień, zastajecca ź im nazaŭsiody.Na radaść ajčynnym amataram sportu, biełaruska Viktoryja Azaranka budzie zmahacca za prava ličycca najlepšaj užo ŭ subotu, u finale Adkrytaha čempijanata Aŭstralii.
Ale aproč spartyŭnych dasiahnieńniaŭ, naprykład, kolkaści pieramohaŭ u prestyžnych turnirach, jość i inšy kryter acenki paśpiachovaści. Heta suma pryzavych, atrymanych za karjeru.
«Naša Niva» skłała rejtynh samych «bahatych» biełaruskich tenisistaŭ.
Ci stanie Viktoryja Azaranka ŭ subotu pieršaj rakietkaj śvietu, zaležyć tolki ad jaje.
Paśla hetaj siesii mnohija pahladzieli na Azaranku inšymi vačyma.
Maksim Mirny ciapier hulaje tolki ŭ parnym razradzie.
Žoŭty viasielny kaścium Mirnaha zapomniŭsia mnohim minčukam.
Natalla Źvierava pačynała sa zbornaj SSSR, a ŭ składzie kamandy SND zdabyła alimpijski miedal.
Ciapier Źvierava žyvie ŭ Bierlinie. U 2009 hodzie 38-hadovaja spartsmienka čakała pieršaje dzicia. Fota kp.by.
Najbolšyja pośpiechi pryjšli da Volhi Havarcovaj u parnym razradzie.
Volha (źleva) na viečaryncy udzielnic Uimbłdona.
Uładzimir Vałčkoŭ paśpiachova vystupaŭ za zbornuju Biełarusi, ale u lik najlepšych tenisistaŭ śvietu nie prabiŭsia.
Paŭhodu tamu Vałčkoŭ staŭ sparynh-partnioram tenisistki Maryi Šarapavaj. Fota "Salidarnaści".
Druhaja rakietka Biełarusi Anastasija Jakimava žyvie na Kanarach.
Kaliści Volha Barabanščykava była pieršaj rakietkaj Biełarusi...
... a ciapier jana robić karjeru śpiavački.
25-hadovaja minčanka Darja Kustava na korcie...
... i jana ž u žyćci.
Rasijskija kamientatary dahetul nie mohuć vyznačycca, jak nazyvać Volhu - Dziehalevič ci Dziechalevič?
Uładzimir Ihnacik - nadzieja biełaruskaha mužčynskaha tenisu.
Nahodaj dla składańnia rejtynhu stała dasiahnieńnie Viktoryi Azaranki, jakaja siońnia stała samaj vysokaapłatnaj tenisistkaj Biełarusi, apiaredziŭšy Maksima Mirnaha.Aproč taho, Viktoryja pieraadoleła simvaličnuju miažu ŭ $10 miljonaŭ pryzavych. Darečy, pieramoha ŭ subotnim finale ŭ Aŭstralii dazvolić joj atrymać jašče $1,15 miljona.
Pa stanie na 26 studzienia 2012 hoda bolš za $100 000 zarabili 11 biełaruskich tenisistaŭ.Ź ich tolki troje — mužčyny. Apošniaha ź ich, Uładzimira Ihnacika možna dałučyć da dziasiatki najlepšych avansam. Mienavita jamu nakavana stać lidaram biełaruskaha mužčynskaha tenisu ŭ bližejšyja hady.
U dužkach paśla imia paznačana najlepšaja pazicyja ŭ karjery ŭ adzinočnym razradzie. Razam z tym varta razumieć, što pryzavyja možna atrymać i za parnyja vystupleńni, i za źmiašanyja duety (mužčyna + žančyna). Maksim Mirny ŭžo nie hulaje ŭ adzinočku, ale praz udałuju hulniu ŭ pary pastajanna pavialičvaje pamier svaich pryzavych.
* * *
Samyja vysokaapłatnyja tenisisty Biełarusi
1. Viktoryja Azaranka (3) — $10 190 357*
2. Maksim Mirny (18) — $9 812 532*
3. Natalla Źvierava (5) — $7 792 503
4. Volha Havarcova (35) — $1 563 478
5. Uładzimir Vałčkoŭ (25) — $1 315 133
6. Taćciana Pučak (55) — $1 289 584
7. Anastasija Jakimava (49) — $935 241
8. Volha Barabanščykava (49) — $548 692
9. Darja Kustava (117) — $369 552
10. Kaciaryna Dziehalevič (134) — $325 022
11. Uładzimir Ihnacik (153) — $159 038
*sumy mohuć być niaznačna pieraličanyja ŭ zaležnaści ad kursa aŭstralijskaha dalara