Kazulin: Treba abjadnacca ŭ Front nacyjanalnaha vyratavańnia
Pra heta były palitviazień i kandydat na prezidenckuju pasadu ŭ 2006 h. Alaksandr Kazulin zajaviŭ 19 studzienia ŭ Minsku na pasiedžańni kruhłaha stała, pryśviečanaha biełaruskim palitviaźniam.
«Siońnia ŭłady zrabili ŭsio, kab razdušyć nie tolki apazicyju, ale i ŭłasny narod, źniščyŭšy asobu jak takuju. Źniščyŭšy honar, sumleńnie, hodnaść i ŭsie śviatyja rečy, jakija isnujuć. I my, biełarusy, heta prymajem. Što jašče treba zrabić uładam, kab my mahli heta ŭśviadomić i abjadnacca?» — zadaŭ rytaryčnaje pytańnie Alaksandr Kazulin.
Pavodle jaho, kirunak krainy apošnimi dziesiacihodździami źmianiajecca ŭ horšy bok, u čym vinavatyja tolki sami biełarusy. I pakul jany taho nie ŭśviedamlajuć, palityčnaja situacyja ŭ dziaržavie nie źmienicca, a palitviaźni zastanucca ŭ turmach. «Siońnia treba, kab usie palityčnyja partyi, ruchi, pravaabaroncy abjadnalisia ŭ Front nacyjanalnaha vyratavańnia — kraina staić na krai biezdani», — padkreśliŭ Kazulin.
Aktyvistka Biełaruskaj chryścijanskaj demakratyi Julija Frałova taksama zaklikaje da abjadnańnia. «Našaja meta — sabrać usich razam, kab vyrašyć, što jašče možna zrabić dla palitviaźniaŭ. Bo zaŭsiody možna zrabić štości jašče».