Mafija ŭ Klimavičach nieśmiarotnaja?
Paviedamleńnie MUS i Śledčaha kamiteta ab spynieńni złačynnaj dziejnaści słužbovych asob orhanaŭ unutranych spravaŭ i śledstva Klimavickaha rajona navodzić na dumku, što šmathadovaja baraćba z mafijaj u hetaj častcy Mahiloŭščyny prajhranaja.
Pavodle aficyjnaj viersii, staršy opierupaŭnavažany Klimavickaha RAUS, staršy śledčy Klimavickaha rajonnaha adździeła Upraŭleńnia Śledčaha kamiteta pa Mahiloŭskaj vobłaści i načalnik Klimavickaha RAUS stvaryli złačynnuju hrupu i šlacham šantažu i pahroz vymahali ŭ pradprymalnika 500 tysiač dalaraŭ.
U śniežni 2011 i studzieni 2012 jany atrymali ad svajoj achviary kala 8 młn rasijskich rubloŭ za niepryciahnieńnie da kryminalnaj adkaznaści. 18 studzienia «piarevaratni ŭ pahonach» byli zatrymanyja z dokazami złačynstva padčas atrymańnia čarhovaj partyi hrošaj u pamiery 0,5 młn rasijskich rubloŭ. Suprać ich raspačataja kryminalnaja sprava pa č. 3 art. 430 KK (atrymańnie chabaru ŭ asabliva bujnym pamiery). Sprava znachodzicca na asabistym kantroli staršyni Śledčaha kamiteta Valeryja Vakulčyka.
Treba mierkavać, što ciapier pravaachoŭniki i inšyja kantralavalnyja orhany prafiltrujuć na najaŭnaść złačynstvaŭ karupcyjnaj skiravanaści ŭvieś Klimavicki rajon. Što ŭžo adbyvałasia nie raz.
Spravaŭ mafijoznych ŭ hetym rajonie rabiłasia niamała.U 2005 hodzie Homielski abłasny sud asudziŭ byłoha staršyniu Klimavickaha rajvykankama Uładzimira Kanavałava na 4 hady pazbaŭleńnia voli za pieravyšeńnie słužbovych paŭnamoctvaŭ. Pa materyjałach śledstva sud paličyŭ dakazanym dva epizody. Adzin ź ich datavaŭsia 1999 hodam, kali kiraŭnik rajonnaj administracyi daŭ ukazańnie nieviadomym asobam sfabrykavać list za podpisam ministra sielskaj haspadarki na adras dyrektara Klimavickaha
U 2007 hodzie ŭ Mahiloŭskim abłasnym sudzie słuchałasia kryminalnaja sprava byłoha načalnika ABEZ Klimavickaha RAUS. Aficer milicyi abvinavačvaŭsia ŭ atrymańni chabaru i złoŭžyvańni słužbovymi paŭnamoctvami.
Padčas rasśledavańnia spravy było vyśvietlena, što abvinavačvany ŭ pieryjad ź lipienia pa śniežań 2006 hoda nieadnarazova atrymlivaŭ chabar za sadziejničańnie ŭ bieśpieraškodnym niezakonnym vyvazie ŭ Rasiju łomu kalarovych i čornych mietałaŭ, kalijnych uhnajeńniaŭ i davaŭ pradprymalnikam infarmacyju ab dysłakacyi naradaŭ Klimavickaha RAUS na aŭtadarohach rajona. Pavodle źviestak Naviny.by, byłoha zmahara z ekanamičnaj złačynnaściu asudzili na piać hadoŭ.
Jašče adna hučnaja sprava rajonnaha maštabu mieła pačacca ŭletku 2007 hoda, kali ŭkazam prezidenta «ŭ suviazi z hrubym parušeńniem słužbovych abaviazkaŭ» ad pasady staršyni i sudździ suda Klimavickaha rajona byŭ vyzvaleny Ihar Ciškin.
Pa čutkach, KDB zatrymaŭ prafiesijnuju pasiarednicu ŭ atrymańni chabaraŭ, jakaja vykłała poŭny raskład: kamu, kolki i za što płacili, nazvaŭšy pry hetym i staršyniu suda. Kažuć, Ciškin skarystaŭsia sudziejskaj niedatykalnaściu i razam ź siamjoj praz Ukrainu vyjechaŭ u Polšču, dzie ŭ 2009 hodzie atrymaŭ palityčny prytułak.
Praŭda, u intervju prajektu «Adkrytaja Biełaruś» Ihar Uładzimiravič śćviardžaje, što byŭ padvierhnuty pieraśledu z boku ŭładaŭ za svaju niepadkupnaść i pryncypovaść pry razhladzie kantrabandnych spravaŭ,jakija ŭjaŭlali saboj nielehalny vyvaz za miežy Biełarusi kalarovych mietałaŭ i śpirtu. Pa słovach byłoha sudździ, jaki znachodzicca ŭ mižnarodnym vyšuku, Klimavicki
Zrazumieła, što, znachodziačysia za miežami radzimy, kazać biez aściarohi možna što zaŭhodna. Adnak novaja hučnaja sprava z udziełam daloka nie šarahovych supracoŭnikaŭ milicyi, jakija zamachnulisia na paŭmiljonny ŭ «zialonych» chabar, śviedčyć, što ŭ Klimavickim rajonie panujuć niejkija «nieśmiarotnyja» mafijoznyja noravy.