Biełarusy z «Kosta Kankordyja» viarnulisia dadomu
Troje hramadzian Biełarusi, jakija znachodzilisia na kruiznym łajniery «Kosta Kankordyja» padčas krušeńnia, adpravilisia na radzimu.
U biełaruskim pasolstvie ŭ Italii paviedamili, što troje hramadzian našaj krainy vyjšli na suviaź na nastupny dzień paśla trahiedyi. Jany adčuvali siabie dobra, niahledziačy na pieražyty stres.
Padčas zdareńnia turysty zhubili ŭsie dakumienty i rečy. Užo ŭviečary ŭ niadzielu namahańniami supracoŭnikaŭ ambasady paciarpiełyja mieli na rukach usie nieabchodnyja papiery.
«Dźvie žančyny i adzin mužčyna byli turystami na „Kosta Kankordyja“, — raspavioŭ pieršy sakratar pa konsulskich pytańniach Pasolstva Biełarusi ŭ Italii Dźmitryj Jumanaŭ. — Jany adčuvali siabie narmalna. Uviečary ŭ niadzielu ja ŭłasnaručna addaŭ im dakumienty, nieabchodnyja dla pierasiačeńnia miažy, i jany samastojna vypravilisia dadomu».
***
Nahadajem, karabiel nalacieŭ na skały na mialinie la bieraha. Kruizny łajnier atrymaŭ praboinu daŭžynioj kala 70 mietraŭ i zavaliŭsia na bok na 80 hradusaŭ. U vyniku karabiel amal całkam pajšoŭ pad vadu. Pa infarmacyi raznastajnych ŚMI, zahinuła šeść čałaviek, 67 byli paranieny i 14 čałaviek ličacca źnikłymi.