Niaklajeŭ adkazvaje Čarhincu: U vas schilnaść da padmieny paniaćciaŭ
«Moŭnaja situacyja nie moža palepšycca biez vyrašeńnia palityčnaha pytańnia».
«Naša Niva» paprasiła Uładzimira Niaklajeva prakamientavać zajavu Mikałaja Čarhinca, jaki źvinavaciŭ paeta ŭ tym, što ŭ Minsku niama vulicy Bykava.
«Chaj Mikałaj Čarhiniec nazavie choć adzin hurtok biełaruskaj movy, jaki jon arhanizavaŭ, —skazaŭ Uładzimir Niaklajeŭ. — Moŭnaja situacyja nie moža palepšycca biez vyrašeńnia palityčnaha pytańnia, i Čarhiniec heta razumieje, bo z taho palityčnaha pytańnia jon kormicca.
Heta jon zajmajecca palitykaj u pieršuju čarhu.
Vulicy Bykava ŭ Hrodnie i Minsku musili źjavicca kali nie pry žyćci, dyk prynamsi adrazu paśla śmierci Vasila Uładzimiraviča, — praciahnuŭ paet. — Značna raniej, čym Uładzimir Niaklajeŭ z kampanijaj «Havary praŭdu» pačaŭ zbor podpisaŭ za heta. Dyk
što ŭsie hetyja hady rabiŭ Čarhiniec — čamu nie nazvaŭ vulicu, kali Niaklajeŭ jamu nie pieraškadžaŭ?
Sioleta na źjeździe Sajuza biełaruskich piśmieńnikaŭ byŭ pryniaty zvarot da Savieta Ministraŭ i asobna ministra kultury. Piśmieńniki prapanavali nadać imia Bykava Nacyjanalnaj biblijatecy Biełarusi, kali nielha pakul nazvać jaho imiem vulicu, Čamu Čarhiniec da hetaj inicyjatyvy nie dałučyŭsia?» — zapytvajecca Niaklajeŭ.
Piśmieńnik nazyvaje zajavy hienierała «padmienaj paniaćciaŭ» i adznačaje, što «jakraz heta i rodnić Čarhinca z Łukašenkam — schilnaść da padmieny paniaćciaŭ».