Na prajmieryz respublikancaŭ u Ńju-Hempšyry pieramoh Mit Romni

Były hubiernatar štata Masačusiets Mit Romni, pavodle papiarednich źviestak, pieramahaje na prajmieryz Respublikanskaj partyi ŭ štacie Ńju-Hempšyr, paviedamlaje CNN.

Pakul Mit Romni nabraŭ kala 36% hałasoŭ. Za im idzie libiertaryjaniec Ron Poł.

Sacyjalny kansiervatar Ryk Santorum zajmaje tolki 4-je miesca.

Pa dadzienych apytańnia Reuters/IPSOS,

mienavita Romni moža stać supiernikam prezidenta Baraka Abamy na prezidenckich vybarach u ZŠA ad partyi respublikancaŭ.

Zhodna z hetym daśledavańniem, za jaho prahałasavali b 30% adnapartyjcaŭ.

U pačatku studzienia Romni pieramoh pa vynikach kokusaŭ — schodaŭ partyjnych aktyvistaŭ napiaredadni prajmieryz — u štacie Ajova. Jon tady vyjhraŭ u eks-hubiernatara štata Piensilvanija Ryka Santoruma ź pieravahaj usiaho ŭ vosiem hałasoŭ.

Paśla hetaha adbylisia ŭnutrypartyjnyja teledebaty, padčas jakich respublikancy žorstka krytykavali Romni, nazyvajučy jaho «biaźlitasnaj akułaj». Jaho vinavaciać u tym, što jon jak biznesoviec davioŭ niekatoryja kampanii da bankructva.

U 2008 hodzie jon sastupiŭ prava bałatavacca ŭ prezidenty sienataru Džonu Makkiejnu.

Kamientary da artykuła