Pałac Bułhakaŭ u Žyličach restaŭrujuć
U Mahilovie ahučyli plan rekanstrukcyi pałacavaha kompleksu ŭ vioscy Žyličy (Dabośnia). Zaniadbanuju siadzibu, jakaja raniej naležała polskamu rodu, źbirajucca ŭznavić ciaham bližejšych troch hadoŭ.
U Mahilovie ahučyli plan rekanstrukcyi pałacavaha kompleksu ŭ vioscy Žyličy. Zaniadbanuju siadzibu, jakaja raniej naležała polskamu rodu, źbirajucca ŭznavić ciaham bližejšych troch hadoŭ.
U 2007 hodzie planujecca vydatkavać 400 miljonaŭ rubloŭ na restaŭracyju siadziby Bułhakaŭ ŭ vioscy Žyličy Kiraŭskaha rajonu. Pra heta paviedamili ŭ Mahiloŭskim abłvykankamie. Asnoŭnaja častka srodkaŭ pojdzie na praviadzieńnie navukova‑daśledčych rabot. Akramia taho, sioleta raspačniecca restaŭracyja asobnych pamiaškańniaŭ pałacu.
Zaraz pałacava‑parkavy kompleks Bułhakaŭ znachodzicca ŭ zaniadbanym stanie, častku pakojaŭ zajmaje miascovy muzej. Ciaham nastupnych 2‑3 hadoŭ ułady majuć namier adnavić pieršapačatkovuju planiroŭku hałoŭnaha korpusu, pry hetym zachavajucca lapnyja stoli, dekaratyŭnyja elementy, kaminy. Taksama buduć adnoŭlenyja chatni kaścioł, biblijateka, vialikaja zala dy inšyja pakoi. Zatym planujecca dobraŭparadkavać park, jaki, darečy, zajmaje terytoryju blizu 18 hiektaraŭ. Tut źjaviacca miescy adpačynku, budzie adnoŭleny kaskad sažałak i letniaja łaźnia.
Siadziba ŭ Žyličach uvachodzić u śpis historyka‑kulturnych kaštoŭnaściaŭ Biełarusi. Jaje budaŭnictva pačałosia ŭ 19‑ym stahodździ na srodki šlachciča Ihnacija Bułhaka. Pałac zajmaje vialikuju płošču – amal 4 tysiačy kvadratnych metraŭ, u bakavym kryle budynku raniej znachodziłasia navat aranžareja, jakaja rychtavałasia pa zamovie ŭ Varšavie. U joj vyroščvali kiparysy, palmy, apelsiny, a ŭletku vysadžvali ŭ park.
Fota Ju. Šamkałovič, radzima.org.