«Svabodny teatr» pravioŭ raźvitalny viečar

24 śniežnia ŭ Centry kultury i volnaha času ŭ Breście prajšoŭ raźvitalny viečar bresckaha «Svabodnaha teatra».

Brescki «Svabodny teatr» praisnavaŭ bolš za dziesiać hadoŭ, adnak akciory vyrašyli pačać novy prajekt: teatr praciahnie isnavać u novaj formie pad nazvaj «Kryły Chałopa».

Akciory nazyvajuć niekalki pryčyn zakryćcia prajekta. Siarod ich najaŭnaść «Biełaruskaha svabodnaha teatra», «z-za čaho ŭźnikała pastajannaja błytanina», i prablema adnosna paniaćcia «svabodny» ŭ ciapierašnich biełaruskich realijach. «Čas patrabuje ad nas novych padychodaŭ i ruchu napierad», — padkreślili akciory «Svabodnaha teatra».

Za dziesiać hadoŭ u teatry stvorana vosiem śpiektaklaŭ, jakija ŭdzielničali ŭ mnohich fiestyvalach u Biełarusi, Polščy, va Ukrainie. U ramkach zaklučnaha viečara «Svabodnaha teatra» była pradstaŭlena vystava devijantnaha mastactva, adbyłosia vystupleńnie hurtu «Racyjanalnaja dyjeta» i zaklučnaja dyskateka «Tancy na kaściach».

Kamientary da artykuła