Pamior baćka Alesia Bialackaha
Siońnia rankam na 83-m hodzie žyćcia paśla ciažkoj chvaroby.
Siońnia rankam na 83-m hodzie žyćcia paśla ciažkaj chvaroby (rak lohkich) pamior baćka źniavolenaha pravabaaroncy Alesia Bialackaha Viktar Uścinavič Bialacki.
Dyjahnaz - rak lohkaha - daktary pastavili ŭ vieraśni, užo paśla aryštu Alesia. Było viadoma, što Viktaru Uścinaviču žyć zastałosia niašmat. U apošni čas, kali stan zdaroŭja chvoraha značna pahoršyŭsia, rodnyja prykłali ŭsie namahańni, kab atrymać dazvoł na sustreču baćki z synam.\
Niahledziačy na chadajnictvy žonki Natalli Pinčuk,
pravaabaroncu nie dali dazvołu na sustreču z pamirajučym baćkam. U Natalli Pinčuk niama i spadziavańniaŭ, što palitviaźnia puściać na pachavańnie.
- Ciońnia naranicy, ja prosta jašče nie źviazvałasia z advakatam, pakolki atrymali admovy na spatkańnie, to adpaviedna, na pachavańnie, ja dumaju, adkaz budzie adnaznačny. Heta pa-pieršaje. A pa-druhoje, zaraz vychodnyja dni. Spadziavańniaŭ na vyrašeńnie hetaj prablemy niama.
Natalla Pinčuk ciaham apošnich čatyroch dzion afarmlała nieabchodnyja dazvoły na toje, kab Alesiu Bialackamu dazvolili sustreču z pamirajučym baćkam. Učora sudździa Pieršamajskaha suda kančatkova admoviłasia pierahladać spravu.