Biełstat: Inflacyja z pačatku hoda skłała 107,5%

Z 1 pa 20 śniežnia spažyvieckija ceny ŭ Biełarusi vyraśli na 1,7%

Z 1 pa 20 śniežnia spažyvieckija ceny ŭ Biełarusi vyraśli na 1,7% (z 1-ha pa 13-je — na 1,5%, z 14-ha pa 20-je — na 0,2%), paviedamlaje Nacyjanalny statystyčny kamitet.

Najbolš pryrost cen z pačatku miesiaca adznačany na piva (7,6%), jałavičynu pieršaj katehoryi (5,6%), fruktovyja soki (4,7%), majanez (3,5%), marharyn (3,2%), žyvuju rybu (2,8%), miasnyja paŭfabrykaty ź jałavičyny, paŭvendžanuju kaŭbasu, miasnyja i rybnyja kansiervy, aŭsianyja šmatki «Hierkules», pšaničnuju muku, kandytarskija vyraby, biezałkaholnyja napoi (1,5–2,6%), bienzin (10,3%), miedykamienty (5,4%), posud (3,3%), trykatažnyja vyraby (2,2%), tkaniny (1,9%), pasłuhi daškolnych ustanoŭ (93,9%), miedycynskija pasłuhi (11,1%), bytavyja pasłuhi (6,8%), pasłuhi suviazi (6,2%), pasłuhi kultury (4,1%), sanatorna-azdaraŭlenčyja pasłuhi (3,2%).

Patańnieli pšanična-aržany chleb (0,1%), tłusty tvaroh (0,3%), morkva (0,9%), śmiatana (1,1%), prosa (1,4%), biełakačannaja kapusta (1,9%), małako (2,9%), paŭfabrykaty ź miasa ptuški (3%), hrečka (3,1%), alej (4%).

Sa studzienia pa listapad 2011 hoda spažyvieckija ceny vyraśli na 104%, z ulikam 20 dzion śniežnia — na 107,5%.

Ministr finansaŭ Andrej Charkaviec zajaviŭ 16 śniežnia, što pa vynikach hoda rost cen moža skłaści 120% (2,2 razu).

Kamientary da artykuła