Stražejšyja praviły dla kamientaŭ na sajcie
NN pierachodzić da stražejšaj redaktury kamientaŭ, što prychodziać da artykułaŭ.
Kali raniej redaktary časami paznačali, što kamient vydaleny, abo vydalali tolki tuju častku kamienta, u jakoj było nieprystojnaje słova ci nieadpaviedny praviłam źmiest, zaraz kamienty buduć całkam vydalacca pry najmienšym znaku taho, što jany nie adpaviadajuć praviłam kamientavańnia.
Nahadajem, što nielha stavić na sajcie kamienty abraźlivaha źmiestu («Taki i taki mudazvon»), zaviedama niepraŭdzivuju infarmacyju («Taki i taki lačyŭsia ŭ Navinkach»), niepraviarabielnyja źviestki («Taki i taki nakraŭ hrošaj»), abrazu honaru i hodnaści.Navat kali vy kipicie ad hnievu, znachodźcie sposab vykazvać jaho ŭ ramkach praviłaŭ.
Buduć vydalacca taksama kamienty, što majuć na mecie manipulacyju hramadskaj śviadomaściu abo złamysny advod abmierkavańnia ad temy artykuła.
U toj ža čas my idziem nasustrač kožny raz, kali kamient utrymlivaje niešta hramadska važnaje, istotnaje, pryhožaje, navat kali jon nie adpaviadaje niejkim farmalnym praviłam.
«Naša Niva» — vielmi demakratyčnaja trybuna. Naš razumny čytač mocna šanuje heta i prosić nas abaraniać NN ad złoŭžyvańnia. My ŭdziačnyja za takoje staŭleńnie da haziety.