Raście kolkaść dziaciej, baćki jakich pamierli abo pryznany niedziejazdolnymi

U Biełarusi raście kolkaść dziaciej, baćki jakich pamierli, pryznany niedziejazdolnymi, abmiežavana dziejazdolnymi abo nie mohuć vykonvać svaje abaviazki pa stanie zdaroŭja.

Pavodle jaho słoŭ, niahledziačy na źnižeńnie kolkaści sacyjalnych sirot, jakoje adznačajecca z 2007 hoda, u Biełarusi nie ŭdajecca pamienšyć kolkaść dziaciej-sirot i dziaciej, jakija zastalisia biez apieki baćkoŭ. Štohod orhany apieki vyjaŭlajuć i ŭładkoŭvajuć na vychavańnie kala 4 tys. dziaciej, jakija pazbavilisia apieki baćkoŭ.

Razam z tym, jak zajaviŭ Jemialjanienka, u krainie pačałasia realizacyja prahramy pa skaračeńni kolkaści internatnych ustanoŭ, jakija zakryvajucca abo pieraprafilujucca. «U internatnych ustanovach dzieci-siroty i dzieci, jakija zastalisia biez apieki baćkoŭ, nie zaŭsiody mohuć atrymać nieabchodnyja viedy, umieńni, navyki sacyjalnaj adaptacyi i ŭklučycca ŭ darosłaje žyćcio», — adznačyŭ jon. Pavodle słoŭ pradstaŭnika Minadukacyi, siońnia ŭ internatnych ustanovach znachodzicca tolki 27% dziaciej-sirot, astatnija ŭładkavany na siamiejnyja formy vychavańnia: u pryjomnyja i apiakunskija siemji, dziciačyja damy siamiejnaha typu i h.d.

Akramia taho, jak paviedamiŭ Jemialjanienka,

u apošnija hady ŭ Biełarusi pavialičyłasia kolkaść dziaciej, jakija ŭsynaŭlajucca.

Nahadajem, pa stanie na studzień 2011 hoda ŭ krainie naličvałasia 25 tys. 350 dziaciej-sirot i dziaciej, jakija zastalisia biez apieki baćkoŭ.

Kamientary da artykuła