Vyjšaŭ polskamoŭny kataloh litaratury pra Brasłaŭščynu
Varšaŭskaje adździaleńnie Krajovaha tavarystva brasłaŭčan padrychtavała i vypuściła kataloh polskamoŭnaj litaratury ab Brasłaŭščynie.
Varšaŭskaje adździaleńnie Krajovaha tavarystva brasłaŭčan padrychtavała i vypuściła kataloh polskamoŭnaj litaratury ab Brasłaŭščynie. Vydańnie źmiaščaje karotkija anatacyi na 22 knihi, što ŭbačyli śviet pamiž 1930 i 2005 hadami. Značnuju častku hetaj litaratury składajuć uspaminy. Pradstaŭleny taksama histaryčnyja apracoŭki dy adzin turystyčny daviednik. Kataloh demanstruje bahaćcie i raznastajnaść litaratury pra paŭnočna‑zachodni rehijon Biełarusi.
Krajovaje tavarystva brasłaŭčan hurtuje vakoł siabie ludziej, nie abyjakavych da małoj radzimy. Jano spryjaje intehracyi ziemlakoŭ. Naprykład, letaś u krasaviku NDA zładziła ŭ Varšavie źjezd brasłaŭčan.
Aproč taho, hramadzkaja arhanizacyja arhanizoŭvaje ekskursii, dapamahaje polskamu i katalickamu asiarodździu Brasłaŭščyny dy vydaje ŭłasnuju hazetu.
U zastaŭcy vykarystanaje fota Anatola Sakałova, svaboda.org