U Minsku žančyna ŭpała ź piešachodnaha mosta na MKAD
Pakul nieviadoma: jana vypadkova zvaliłasia, abo skončyła žyćcio samahubstvam.
Siońnia ranicaj na MKAD byŭ znojdzieny trup žančyny, asoba jakoj pakul nie ŭstalavanaja, paviedamiŭ staršy pamočnik prakurora Minska pa pravavym zabieśpiačeńni, infarmacyi i hramadskich suviaziach Siarhiej Bałašoŭ.
Cieła było znojdziena na krai kalcavoj aŭtadarohi niedaloka ad piešachodnaha mosta ŭ rajonie vulicy Šaranhoviča. Na vyhlad žančynie 40–45 hadoŭ. Pakul dakładna nieviadoma: žančyna vypadkova zvaliłasia abo skoknuła ź piešachodnaha mosta. Pravaachoŭniki znajšli ślady, jakija kažuć pra toje, što jana pierałaziła praz aharodžu.
Pravierku pa hetym fakcie pravodzić prakuratura Frunzienskaha rajona Minska.