Polymetal stała pieršaj rasijskaj kampanijaj u jeŭrapiejskim indeksie FTSE 100

FTSE Group uklučyła Evraz plc i Polymetal Int u skład adnaho z samych upłyvovych indeksaŭ Jeŭropy — FTSE 100 — pa vynikach jaho štokvartalnaha pierahladu, jaki prajšoŭ 7 śniežnia.

Źmieny ŭ indeksie ŭstupiać u siłu z pačatku tarhoŭ 19 śniežnia, havorycca ŭ aficyjnym paviedamleńni FTSE Group.

U liku vyklučanych z FTSE-100 kampanij — paŭdniovaafrykanskaja Lonmin, treci pa vieličyni vytvorca płatynoidaŭ ŭ śviecie. Kampanii, vyklučanyja ź indeksa, uvojduć u FTSE-250.

Najbujniejšy ŭ Rasii vytvorca srebra «Polimietał», jaki pieraŭtvaryŭsia ŭ Polymetal International, staŭ pieršaj rasijskaj kampanijaj u śpisie FTSE 100.

Polymetal, jakim vałodajuć Alaksandr Niesis (18,91%), Alaksandr Mamut (10,73%) i češski fond PPF Pietera Kiełnera (19,58%), — nie pieršaja kampanija, što nacelvałasia na FTSE 100.

U kastryčniku stała viadoma, što kampanija «Polus zołata», padkantrolnaja Sulejmanu Kierymavu i Michaiłu Procharavu, nie zmahła atrymać dazvoł na praviadzieńnie listynhu ŭ Łondanie ad urada Rasii.

Kamientary da artykuła